അൽ ഹിദായ സെന്റർ ഫാമിലി മീറ്റിൽനിന്ന്
മനാമ: അൽ ഹിദായ സെന്റർ മലയാള വിഭാഗം ആഇശ മസ്ജിദിന് സമീപമുള്ള ഹിദ്ദ് ചാരിറ്റി ഹാളിൽ സംഘടിപ്പിച്ച ഫാമിലി മീറ്റ് അംഗങ്ങളുടെ പങ്കാളിത്തംകൊണ്ട് ശ്രദ്ധേയമായി. ആശൂറാ നോമ്പ് തുറയോടെ ആരംഭിച്ച പരിപാടികൾക്ക് അജ്മൽ തറയിൽ സ്വാഗതം പറഞ്ഞു. സുനീർ ഇബ്രാഹിം അധ്യക്ഷത വഹിച്ച ചടങ്ങിന്റെ ഉദ്ഘാടനം അൽ മന്നാഇ സെന്റർ ആക്ടിങ് ജനറൽ സെക്രട്ടറി ബിനു ഇസ്മായിൽ നിർവഹിച്ചു. അൽ ഹിദായ സെന്റർ പുതുതായി ആരംഭിക്കുന്ന മദ്റസ, പ്ലേ സ്കൂൾ എന്നിവയുടെ ലോഗോ പ്രകാശനം ഹംസ അഹമ്മദ്, ഹംസ അമേത്ത് എന്നിവർ നിർവ്വഹിച്ചു.
തുടർന്ന് ‘കുടുംബം: വിശ്വാസം സംസ്കരണം’, ‘ഹൃദയം രോഗബാധിതമായാൽ’ എന്നീ വിഷയങ്ങളെ അധികരിച്ച് സജ്ജാദ് ബിൻ അബ്ദു റസാഖ്, വസീം അഹ്മദ് അൽ ഹികമി എന്നിവർ സംസാരിച്ചു. യൂനിറ്റ് പ്രസിഡന്റ് ഫൈസൽ ഹിദ്ദ്, ജനറൽ സെക്രട്ടറി സയ്യിദ് മുഹമ്മദ് ഹംറാസ് അൽ ഹികമി എന്നിവർ പരിപാടികൾക്ക് നേതൃത്വം നൽകി. ഫിറോസ് ഓസ്കർ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.