ന്യൂഡൽഹി: രാഖി സാവന്തിന്റെ ഭർത്താവ് ആദിൽ ഖാനെതിരെ ബലാത്സംഗ പരാതിയുമായി ഇറാനിയൻ യുവതി. പരാതിയുടെ അടിസ്ഥാനത്തിൽ ദുറാനിക്കെതിരെ മൈസൂർ പൊലീസ് കേസെടുത്തു. വി.വി പുരം പൊലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. രാഖി സാവന്ത് നൽകിയ വഞ്ചന കേസിൽ ദുറാനി 14 ദിവസത്തെ ജുഡീഷ്യൽ കസ്റ്റഡിയിൽ കഴിയുന്നതിനിടെയാണ് പുതിയ കേസ് രജിസ്റ്റർ ചെയ്തിരിക്കുന്നത്.
മൈസൂരിൽ താമസിക്കുന്നതിനിടെ ആദിൽ വിവാഹവാഗ്ദാനം നൽകി നിരവധി തവണ പീഡിപ്പിച്ചുവെന്നാണ് യുവതിയുടെ പരാതി. അഞ്ച് മാസം ഒരുമിച്ച് താമസിച്ചതിന് ശേഷം വിവാഹം കഴിക്കണമെന്ന ആദിലിനോട് ആവശ്യപ്പെട്ടുവെങ്കിലും നിരസിച്ചുവെന്ന് യുവതി പരാതിയിൽ പറയുന്നു. പരാതി നൽകിയാൽ തന്റെ സ്വകാര്യ ചിത്രങ്ങൾ പുറത്തുവിടുമെന്ന് ആദിൽ ഭീഷണി മുഴക്കിയതായി പരാതിയിൽ വ്യക്തമാക്കിയിട്ടുണ്ട്.
നേരത്തെ ഫെബ്രുവരിയിലാണ് ആദിലിനെതിരെ പരാതിയുമായി രാഖി സാവന്ത് രംഗത്തെത്തിയത്. ആദിലിന്റെ ഗാർഹിക പീഡനത്തെ കുറിച്ചായിരുന്നു അവരുടെ പരാതി. പിന്നീട് ആദിലിനെ ഓഷിവാര പൊലീസ് ചോദ്യം ചെയ്യാൻ വിളിപ്പിക്കുകയും പിന്നീട് അറസ്റ്റ് ചെയ്യുകയും ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.