നടി രാഖി സാവന്ത് ആശുപത്രിയിൽ

 വിവാദ താരം രാഖി സാവന്ത് ആശുപത്രിയിൽ. ഹൃദയസംബന്ധമായ അസുഖത്തെ തുടർന്നാണ് നടിയെ ആശുപത്രിയിൽ പ്രവേശിപ്പിച്ചതെന്നാണ് റിപ്പോർട്ട്. ആശുപത്രിയിൽ നിന്നുള്ള രാഖിയുടെ ചിത്രങ്ങൾ സോഷ്യൽ മീഡിയയിൽ  വൈറലാണ്.

ആരോഗ്യസ്ഥിതി മോശമായതിനെ തുടർന്ന് ചൊവ്വാഴ്ച രാത്രിയാണ് നടിയെ ആശുപത്രിയിൽ പ്രവേശിപ്പിച്ചത്.ആറ് ദിവസത്തെ വിശ്രമം  ഡോക്ടർമാർ നിർദേശിച്ചിട്ടുണ്ടെന്ന് ടൈംസ് നൗ റിപ്പോർട്ട് ചെയ്യുന്നു. എന്നാൽ എന്താണ് സംഭവിച്ചത് എന്നതിനെക്കുറിച്ചുള്ള കൃത്യമായ വിവരം ലഭ്യമല്ല. ഇതിന് മുൻപ് ഒരു ഓപ്പറേഷന്റെ ഭാ​ഗമായി താരത്തെ ആശുപത്രിയിൽ പ്രവേശിപ്പിച്ചിരുന്നു.

വിവാദ പ്രസ്താവനകളിലൂടെ‍യാണ് രാഖി സാവന്ത് വാർത്തകളിൽ ഇടംപിടിച്ചിരുന്നത്. നടിയുടെ സ്വകാര്യ ജീവിതവും സോഷ്യൽ മീഡിയയിൽ  വലിയ ചർച്ചയാവാറുണ്ട്.