നായകന്മാരെ ആശ്രയിച്ചാണ് അധികം ബോളിവുഡ് ചിത്രങ്ങളും ഒരുങ്ങുന്നത്. ഇപ്പോഴും ഷാരൂഖ് ഖാൻ ഉൾപ്പെടെയുള്ള പല താരങ്ങളുടേയും നായികമാരായി എത്തുന്നത് നടനെക്കാളും പകുതി പ്രായമുളള നടിമാരാണ്. ഇപ്പോഴിതാ അതിന്റെ കാരണം വെളിപ്പെടുത്തുകയാണ് നടി കാജോൾ. ഏറ്റവും പുതിയ ചിത്രമായ സലാം വെങ്കിയുടെ പ്രചരണഭാഗമായി നൽകിയ അഭിമുഖത്തിലാണ് ഇക്കാര്യം വെളിപ്പെടുത്തിയത്. ചിത്രത്തിൽ 24 വയസുകാരന്റെ അമ്മയായിട്ടാണ് കാജോൾ അഭിനയിച്ചിരിക്കുന്നത്.
ഒരു സിനിമയെ വിജയിപ്പിക്കാനുള്ള ഉത്തരവാദിത്തം നായകന്മാരുടെ തലയിലാണ്. അതിനായി അവർ എടുക്കുന്ന പ്രയത്നം വളരെ വലുതാണ്- കാജോൾ പറഞ്ഞു.
സിനിമ എന്നത് ഒരു ബിസിനസാണ്. ബിസിനസിന്റെ അവസാനം നിങ്ങൾ എന്ത് ചെയ്താലും, ആ സിനിമ ഹിറ്റാകാൻ ഓരോ നായകനും എടുക്കുന്ന പ്രയത്നം വളരെ വലുതാണ്. അത് അവരുടെ വലിയ ഉത്തരവാദിത്തമാണ്. കൂടാതെ അവർ ആ ഉത്തരവാദിത്തം ഏറ്റെടുക്കുകയും ചെയ്യുന്നു- കാജോൾ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.