വിടവാങ്ങിയത്​ തിരക്കഥാകൃത്തുകളിലെ സൂപ്പർസ്റ്റാർ; വേദന പങ്കുവെച്ച്​ സിനിമാലോകം

എൺപതുകളിലും തൊണ്ണൂറുകളിലും മലയാള സിനിമാ പ്രേക്ഷകരെ ചിരിപ്പിക്കുകയും ചിന്തിപ്പിക്കുകയും ത്രില്ലടിപ്പിക്കുകയും കോരിത്തരിപ്പിക്കുകയും ചെയ്​ത തൂലിക നിലച്ചു. തിരക്കഥാകൃത്തുകളിലെ സൂപ്പർസ്റ്റാറായ ഡെന്നീസ്​ ജോസഫി​െൻറ വിയോഗത്തിൽ വിങ്ങിപ്പൊട്ടുകയാണ്​ മലയാള സിനിമ ലോകം. മമ്മൂട്ടിക്ക് ന്യൂഡൽഹിയടക്കം​ ത​െൻറ കരിയറിലെ ഏറ്റവും വലിയ ഹിറ്റുകൾ സമ്മാനിച്ച തിരക്കഥാകൃത്തായിരുന്നു ഡെന്നീസ്​ ജോസഫ്​. ഇരുവരും ഒരുമിച്ചപ്പോഴെല്ലാം തന്നെ സൂപ്പർഹിറ്റുകൾ പിറന്നിരുന്നു. സഹോദരതുല്യനായ സുഹൃത്തി​െൻറ അകാല വിയോഗത്തിൽ ഏറെ സങ്കടപ്പെടുന്നതായി അദ്ദേഹം ഫേസ്​ബുക്കിൽ പങ്കുവെച്ച കുറിപ്പിൽ പറഞ്ഞു.

'ഡെന്നീസ് ജോസഫി​െൻറ അകാല വിയോഗം എന്നെ വല്ലാതെ സങ്കടപ്പെടുത്തുന്നു. വളർച്ചയിലും തളർച്ചയിലും എ​െൻറ ഒപ്പം ഉണ്ടായിരുന്ന സഹോദര തുല്യനായ സുഹൃത്ത് ഇപ്പോഴില്ല, എഴുതിയതും സംവിധാനം ചെയ്തതുമായ എല്ലാ സിനിമകളിലൂടെയും അദ്ദേഹം ഓർമിക്കപ്പെടും. നിത്യശാന്തി നേരുന്നു. -മമ്മൂട്ടി കുറിച്ചു.

മോഹൻലാലിനെ സൂപ്പർതാരമാക്കി മാറ്റിയ രാജാവി​െൻറ മകൻ എന്ന ചിത്രത്തി​െൻറ തിരക്കഥയൊരുക്കിയതും ഡെന്നീസ്​ ​ജോസഫായിരുന്നു. 'തിരക്കഥാലോകത്തെ രാജാവായിരുന്നു ഡെന്നീസ്. ആ രാജാവി​െൻറ മക്കളായി പിറന്ന ഒട്ടേറേ കഥാപാത്രങ്ങള്‍ക്ക് ജീവന്‍ നല്‍കാനുള്ള ഭാഗ്യം സിദ്ധിച്ച ഒരാളാണ് ഈ ഞാനുമെന്ന്​ അദ്ദേഹം ഫേസ്​ബുക്കിൽ പങ്കുവെച്ച കുറിപ്പിൽ പറഞ്ഞു.

എ​െൻറ പ്രിയപ്പെട്ട ഡെന്നീസിനുവേണ്ടി ഈ വരികള്‍ കുറിയ്ക്കുമ്പോള്‍ ഓര്‍മ്മകള്‍ ക്രമം തെറ്റി വന്ന് കൈകള്‍ പിടിച്ചു മാറ്റുന്നപോലെയാണ് തോന്നുന്നത്. തിരക്കഥാലോകത്തെ രാജാവായിരുന്നു ഡെന്നീസ്. ആ രാജാവി​െൻറ മക്കളായി പിറന്ന ഒട്ടേറേ കഥാപാത്രങ്ങള്‍ക്ക് ജീവന്‍ നല്‍കാനുള്ള ഭാഗ്യം സിദ്ധിച്ച ഒരാളാണ് ഈ ഞാനും. സൗമ്യമായ പുഞ്ചിരിയില്‍ ഒളിപ്പിച്ചുവെച്ച, തിരിച്ചൊന്നും പ്രതീക്ഷിക്കാതിരുന്ന സ്നേഹമായിരുന്നു ഡെന്നീസ്. വെള്ളിത്തിരകളെ ത്രസിപ്പിക്കുന്ന എത്രയെത്ര ചടുലന്‍ കഥകള്‍, വികാര വിക്ഷോഭങ്ങളുടെ തിരകള്‍ ഇളകിമറിയുന്ന സന്ദര്‍ഭങ്ങള്‍, രൗദ്രത്തി​െൻറ തീയും പ്രണയത്തി​െൻറ മധുരവും വേദനയുടെ കണ്ണീരുപ്പും നിറഞ്ഞ സംഭാഷണങ്ങള്‍. ആര്‍ദ്രബന്ധങ്ങളുടെ കഥകള്‍ തൊട്ട് അധോലോകങ്ങളുടെ കുടിപ്പകകള്‍ വരെ മലയാള സിനിമയ്ക്ക് സമ്മാനിച്ച അതുല്യ പ്രതിഭ. എത്ര പറഞ്ഞാലും തീരില്ല ഡെന്നീസുമായുള്ള ആത്മബന്ധം. അതുകൊണ്ടുതന്നെ പാതിപറഞ്ഞ് നിര്‍ത്തുന്നു, ഇടറുന്ന വിരലുകളോടെ... പ്രണാമം ഡെന്നീസ്. -മോഹൻലാൽ കുറിച്ചു.

സിനിമ വേദിക്ക് അവിസ്മരണീയമായ കഥാപാത്രങ്ങളും സിനിമകളും സൃഷ്ഠിച്ച എ​െൻറ സിനിമ ജീവിതത്തിന് തന്നെ ശക്തി പകർന്ന പ്രിയ സുഹൃത്ത് ഡെന്നിസ് ജോസഫിന് വിട! -നടൻ സുരേഷ്​ ഗോപിയുടെ ഫേസ്​ബുക്ക്​ പോസ്റ്റ്​.

സംവിധായകൻ പ്രിയദർശനും ഡെന്നീസ്​ ജോസഫി​െൻറ മരണത്തിലെ ഞെട്ടൽ രേഖപ്പെടുത്തിക്കൊണ്ട്​ രംഗത്തെത്തി. ഇന്നലെ രാത്രികൂടി അദ്ദേഹത്തെ വിളിച്ചിരുന്നു എന്നും പ്രിയദർശൻ ഫേസ്​ബുക്ക്​ പോസ്റ്റിൽ പറഞ്ഞു. ഇന്നലെ രാത്രി നീ എന്നോട് സംസാരിച്ചപ്പോൾ ഞാൻ ഒരിക്കലും വിചാരിച്ചില്ല നീ ഇന്ന് ഉണ്ടാവില്ലെന്ന്... -​പ്രിയദർശൻ കുറിച്ചു.

എ​െൻറ സംഗീത ജീവിതത്തിൽ ഒരു പ്രധാന പങ്ക് വഹിച്ചത് ഡെന്നിസ് ആണ്. കഴിഞ്ഞ ആഴ്ച പോലും ഞങ്ങൾ സംസാരിച്ചിരുന്നു. എനിക്ക് താങ്ങാൻ പറ്റാത്ത ഒരു വേർപാട് ആണിത്. ഞാൻ വിശ്വസിക്കുന്നില്ല - പിന്നണിഗായകൻ എം.ജി ശ്രീകുമാർ ഫേസ്​ബുക്കിൽ കുറിച്ചു.

വിൻസെൻറ്​ ഗോമസിനെയും കോട്ടയം കുഞ്ഞച്ചനെയും ജി.കെ യെയും ടോണി കുരിശിങ്കലിനെയും ഒപ്പം മറ്റനേകം പേരെയും അനാഥരാക്കി അയാൾ കടന്നു പോകുന്നു..!! വിട ഡെന്നിസ് ജോസഫ് സാർ..!! 🙏🙏 A true legend indeed..!! 😢😢 On a personal note, പറഞ്ഞു തന്ന അനുഭവകഥകൾക്ക് നന്ദി.. കടും കാപ്പിക്ക് നന്ദി..!! Meeting you was an honour..!! -സംവിധായകൻ മിഥുൻ മാന്വൽ തോമസ് കുറിച്ചു.

നടൻ പൃഥ്വിരാജും കുഞ്ചാക്കോ ബോബനും ടൊവിനോ തോമസും ഷമ്മി തിലകനും സംവിധായകൻ ജീത്തു ജോസഫും അജയ്​ വാസുദേവുമടക്കം നിരവധി പേർ ഡെന്നീസ്​ ജോസഫിന്​ ആദരാഞ്ജലികളുമായി എത്തി.