ന​ടി ആ​ർ. സു​ബ്ബ​ല​ക്ഷ്മി അ​ന്ത​രി​ച്ചു

തി​രു​വ​ന​ന്ത​പു​രം: മലയാള സിനിമയിൽ ഉൗർജ്വസ്വലയായ മുത്തശ്ശി കഥാപാത്രമായി തിളങ്ങിയ ആ​ർ. ​സു​ബ്ബ​ല​ക്ഷ്മി അ​ന്ത​രി​ച്ചു. 87 വ​യ​സാ​യി​രു​ന്നു. വാര്‍ധക്യസഹജമായ അസുഖങ്ങളെ തുടര്‍ന്ന് തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. ക​ർ​ണാ​ട​ക സം​ഗീ​ത​ജ്ഞ​യും ന​ർ​ത്ത​കി​യു​മാ​ണ്.

കുട്ടിക്കാലം മുതല്‍ കലാരംഗത്ത് സജീവമായിരുന്നു. 1951 ല്‍ ഓള്‍ ഇന്ത്യ റേഡിയോയില്‍ പ്രവര്‍ത്തനം ആരംഭിച്ചു. തെന്നിന്ത്യയിലെ ഓള്‍ ഇന്ത്യ റേഡിയോയിലെ ആദ്യ വനിതാ കമ്പോസറായിരുന്നു. രഞ്ജിത്ത് സംവിധാനം ചെയ്ത നന്ദനം എന്ന ചിത്രത്തിലൂടെയാണ് തുടക്കം. കല്യാണരാമന്‍, തിളക്കം, പാണ്ടിപ്പട, സി.ഐ.ഡി മൂസ, സൗണ്ട് തോമ, കൂതറ, പ്രണയകഥ, സീത കല്യാണം, വണ്‍, റാണി പദ്മിനി തുടങ്ങി എഴുപതോളം മലയാള ചിത്രങ്ങളില്‍ അഭിനയിച്ചിട്ടുണ്ട്. 

ടെലിവിഷന്‍ രംഗത്തും സജീവമായിരുന്നു സുബ്ബലക്ഷ്മി. ദൂരദര്‍ശനില്‍ സംപ്രേഷണം ചെയ്തിരുന്ന വളയം, ഗന്ധര്‍വയാമം തുടങ്ങി അറുപത്തിയഞ്ചോളം സീരിയലുകളില്‍ അഭിനയിച്ചിട്ടുണ്ട്. കൂടാതെ പതിനാലോളം പരസ്യചിത്രങ്ങളിലും വേഷമിട്ടു. ഹിന്ദി, തെലുങ്ക്, കന്നട, തമിഴ്, സംസ്‌കൃതം, ഇംഗ്ലീഷ് തുടങ്ങിയ ഭാഷകളിലും വേഷമിട്ടു. കല്യാണ രമുദു, യാ മായാ ചേസാവേ, എക് ദീവാനാ ഥാ, ദില്‍ബേചാര, രാമന്‍ തേടിയ സീതൈ, ഹൗസ് ഓണര്‍, ബീസ്റ്റ്, ഹൊഗനസു, മധുരമിതം, ഇന്‍ ദ നെയിം ഓഫ് ഗോഡ് തുടങ്ങിയവയാണ് അന്യഭാഷാ ചിത്രങ്ങള്‍.

ജാക്ക് ഡാനിയേല്‍, റോക്ക് ആന്റ് റോള്‍ തുടങ്ങിയ ചിത്രങ്ങള്‍ക്ക് വേണ്ടി ഡബ്ബ് ചെയ്തിട്ടുണ്ട്. മേരിക്കുണ്ടൊരു കുഞ്ഞാട്, അമ്മിണി, രുദ്ര സിംഹാസനം, ജിമ്മി ഈ വീടിന്റെ ഐശ്വര്യം എന്നീ ചിത്രങ്ങളില്‍ ഗാനം ആലപിച്ചു. ശാ​സ്ത​മം​​ഗ​ലം ശി​വ​ജി അ​പ്പാ​ർ​ട്ട്മെ​ന്റി​ലാ​യി​രു​ന്നു വ​ർ​ഷ​ങ്ങ​ളാ​യി താ​മ​സി​ച്ചി​രു​ന്ന​ത്. മൃ​ത​ദേ​ഹം ചെ​റു​മ​ക​ളും ന​ർ​ത്ത​കി​യു​മാ​യ സൗ​ഭാ​​ഗ്യ വെ​ങ്കി​ടേ​ഷി​ന്റെ മു​ട​വ​ൻ​മു​ക​ൾ വീ​ട്ടി​ൽ കൊ​ണ്ടു​വ​രും. സം​സ്കാ​രം വെ​ള്ളി​യാ​ഴ്ച ന​ട​ക്കും. പ​രേ​ത​നാ​യ ക​ല്യാ​ണ​രാ​മ​നാ​ണ് ഭ​ർ​ത്താ​വ്. ന​ർ​ത്ത​കി​യും അ​ഭി​നേ​ത്രി​യു​മാ​യ താ​രാ​ക​ല്യാ​ൺ, ഡോ. ​ചി​ത്ര, കൃ​ഷ്ണ​മൂ​ർ​ത്തി എ​ന്നി​വ​ർ മ​ക്ക​ളാ​ണ്. ജ​വ​ഹ​ർ ബാ​ല​ഭ​വ​നി​ൽ 27 വ​ർ​ഷ​ക്കാ​ലം സം​ഗീ​താ​ധ്യാ​പി​ക​യാ​യി ജോ​ലി നോ​ക്കി. ആ​കാ​ശ​വാ​ണി​യി​ലും പ്ര​വ​ർ​ത്തി​ച്ചു. ജോ​ലി​യി​ൽ നി​ന്ന് വി​ര​മി​ച്ച ശേ​ഷം പ​ര​സ്യ​ചി​ത്ര​ത്തി​ലൂ​ടെ​യാ​ണ് കാ​മ​റ​യു​ടെ മു​ന്നി​ലെ​ത്തു​ന്ന​ത്.