ന്യൂഡൽഹി: കൂനൂർ ഹെലികോപ്റ്റർ അപകടത്തിൽ മരിച്ച സംയുക്താ സേനാ മേധാവി ജനറൽ ബിപിന്‍ റാവത്തിന്‍റെ സഹോദരൻ റിട്ട. കേണൽ വിജയ് റാവത്ത് ബി.ജെ.പിയിൽ ചേർന്നു. ഉത്തരാഖണ്ഡ് മുഖ്യമന്ത്രി പുഷ്കർ സിങ് ധാമിയുമായി കൂടിക്കാഴ്ച നടത്തിയതിന് പിന്നാലെയാണ് വിജയ് റാവത്ത് പാർട്ടിയിൽ ചേർന്നത്. വിജയ് റാവത്ത് ബി.ജെ.പിയിലെത്തുമെന്ന് നേരത്തെ തന്നെ അഭ്യൂഹമുണ്ടായിരുന്നു.
ഉത്തരാഖണ്ഡ് മുഖ്യമന്ത്രിയുടെയും ബി.ജെ.പിയുടെയും സംസ്ഥാന വികസനത്തെക്കുറിച്ചുള്ള കാഴ്ചപ്പാടുകൾ തനിക്ക് ഇഷ്ടമാണെന്നും തന്‍റെ സഹോദരന്‍ ബിപിന്‍ റാവത്തിനും ഇതേ ചിന്താഗതികളാണ് ഉണ്ടായിരുന്നെന്നും മുഖ്യമന്ത്രിയുമായുള്ള കൂടികാഴ്ചയ്ക്ക് ശേഷം വിജയ് റാവത്ത് പറഞ്ഞു. ബി.ജെ.പി ആവശ്യപ്പെടുകയാണെങ്കിൽ ഉത്തരാഖണ്ഡിലെ ജനങ്ങളെ സേവിക്കാന്‍ താനും കൂടെ ചേരുമെന്ന് റാവത്ത് മറുപടി നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.