ഹാഷിഷ് ഓയിലും കഞ്ചാവുമായി അറസ്റ്റിലായവര്
ഇരിങ്ങാലക്കുട: സ്കൂൾ-കോളജ് വിദ്യാർഥികളെയും കുട്ടികളെയും ലക്ഷ്യമിട്ട് വിൽപനക്ക് സൂക്ഷിച്ച ലഹരിമരുന്നുകളുമായി മൂന്ന് യുവാക്കളെ ഇരിങ്ങാലക്കുട പൊലീസ് അറസ്റ്റ് ചെയ്തു. ഇരിങ്ങാലക്കുട കൊരുമ്പിശ്ശേരി പുതുക്കാട്ടിൽ പ്രണവ് (25), കൊരുമ്പിശ്ശേരി തറയിൽ അഖിൽ (21) എന്നിവരെയാണ് കഴിഞ്ഞ ദിവസം കണ്ഠ്വേശ്വരം ക്ഷേത്രത്തിന് സമീപത്തുനിന്ന് ആദ്യം പിടികൂടിയത്.
ഇവരിൽനിന്ന് എം.ഡി.എം.എ, ഹാഷിഷ് ഓയിൽ, കഞ്ചാവ് എന്നിവ കണ്ടെടുത്തു. പ്രണവിന് എം.ഡി.എം.എ നൽകിയത് എടക്കുളം സ്വദേശി പാച്ചേരി ജിഷ്ണു (30) ആണെന്ന് വ്യക്തമായതോടെ പൊലീസ് ഇയാളെയും അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. ഇരിങ്ങാലക്കുട സ്റ്റേഷൻ എസ്.എച്ച്.ഒ ദിലീഷ്, എസ്.ഐമാരായ അനു ജോസ്, പാട്രിക്, സി.സി.പി.ഒമാരായ മനോജ്, ഷാബു, ഉമേഷ് കൃഷ്ണൻ എന്നിവരാണ് അന്വേഷണ സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.