തളിപ്പറമ്പ്: നിരവധി ക്രിമിനൽ കേസുകളിലെ പ്രതിയായ യുവാവിനെ കാപ്പ ചുമത്തി അറസ്റ്റ് ചെയ്തു. പന്നിയൂർ കാരാക്കൊടിയിലെ ചപ്പന്റകത്ത് പുതിയപുരയിൽ ഷംസീറിനെയാണ് തളിപ്പറമ്പ് ഇൻസ്പെക്ടർ എ.വി. ദിനേശൻ അറസ്റ്റ് ചെയ്ത് ജയിലിൽ അടച്ചത്. പെരിങ്ങോം പൊലീസ് പരിധിയിൽ മോഷണക്കേസിലും തളിപ്പറമ്പിൽ അടിപിടിക്കേസിലും തൃശൂർ വടക്കഞ്ചേരി പൊലീസ് സ്റ്റേഷൻ പരിധിയിൽ മോഷണക്കേസിലും എറണാകുളം റൂറൽ ജില്ലയിലെ തടിയിട്ടപറമ്പ് പൊലീസ് സ്റ്റേഷനിലും കുന്നത്തുനാട് സ്റ്റേഷനിലും മോഷണക്കേസുകളിലും പ്രതിയാണ് ഷംസീർ. തളിപ്പറമ്പ് ഇൻസ്പെക്ടർ എ.വി. ദിനേശൻ ജില്ല കലക്ടർക്ക് നൽകിയ റിപ്പോർട്ടുപ്രകാരമാണ് കാപ്പ ചുമത്തിയത്. സി.പി.ഒമാരായ പ്രമോദ്, ഷാജു, വിനോദ് എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.