കിയവ്: റഷ്യൻ ആക്രമണത്തിൽ യുക്രെയിനിലെ കെർസണിൽ രണ്ട് പേർ മരിച്ചു. നിരവധി പേർക്ക് പരിക്ക്. ഇന്ന് പുലർച്ചെ മുതൽ വൻ മിസൈൽ ആക്രമണമാണ് നടന്നത്. റഷ്യൻ സൈന്യം കെർസണിലെ റെസിഡൻഷ്യൽ ക്വാർട്ടേഴ്സിന് നേരെ നടത്തിയ ഷെല്ലാക്രമണത്തിൽ 29 ഉം 41 ഉം വയസുള്ള രണ്ട് പേർ മരിച്ചതായി റീജിയണൽ ഗവർണർ ഒലെക്‌സാണ്ടർ പ്രോകുഡിൻ പറഞ്ഞു.
61 കാരിയായ സ്ത്രീ ഉൾപ്പെടെ നാല് പേരെ ആശുപത്രിയിൽ പ്രവേശിപ്പിച്ചു. നാലുപേരും അതീവ ഗുരുതരാവസ്ഥയിലാണെന്ന് പ്രോകുഡിൻ കൂട്ടിച്ചേർത്തു.മിസൈലുകളിൽ നിന്ന് വീണ അവശിഷ്ടങ്ങളിൽപ്പെട്ട് ഏഴ് പേർക്ക് പരിക്കേറ്റു. ഇവരിൽ മൂന്ന് പേർ നഗരത്തിലെ ആശുപത്രികളിലാണ്. നാല് പേർ സംഭവസ്ഥലത്ത് തന്നെ ചികിത്സയിലാണ്. ആക്രമണത്തിൽ കെട്ടിടങ്ങൾക്ക് സാരമായ കേടുപാടുകൾ സംഭവിച്ചിട്ടുണ്ട്.
ഒരു സർവീസ് സ്റ്റേഷനിലും ഒരു വൊക്കേഷണൽ ടെക്‌നിക്കൽ എജ്യുക്കേഷൻ ഇൻസ്റ്റിറ്റ്യൂട്ടിലും അവശിഷ്ടങ്ങൾ വീണുവെന്നും രക്ഷാപ്രവർത്തകർ ഇപ്പോഴും സംഭവസ്ഥലത്ത് പ്രവർത്തിക്കുന്നുണ്ടെന്നും പ്രോകുഡിൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.