സ്റ്റോക്ഹോം: യു.എൻ കാലാവസ്ഥാ അടിയന്തര ഉച്ചകോടിയില്‍ ലോകനേതാക്കളോട് തുറന്നടിച്ച് വാര്‍ത്തകളില്‍ ഇടംനേട ിയ കൗമാരക്കാരിയായ പരിസ്ഥിതി സമരനായിക ഗ്രേറ്റ തുംബര്‍ഗിന് കോവിഡ്19 രോഗലക്ഷണമെന്ന് റിപ്പോർട്ട്. താൻ സമ്പർക്കവിലക്കിൽ തുടരുകയാണെന്നും നേരിയ തോതിൽ പനിയും തൊണ്ടവേദനയും മറ്റ് രോഗലക്ഷണങ്ങളുമുണ്ടെന്നും ഗ്രേറ്റ ഇൻസ്റ്റഗ്രാമിലൂടെ അറിയിച്ചു.
രണ്ടാഴ്ച മുമ്പ് ഗ്രേറ്റയുടെ പിതാവ് മധ്യയൂറോപ്പിൽ നിന്നും തിരിച്ചുവന്നതോടെയാണ് കുടുംബം ഐസൊലേഷനിലായത്. കുറച്ച് ദിവസം മുമ്പ് പിതാവിന് പനിയും ചുമയും അനുഭവപ്പെട്ടിരുന്നു. പിന്നീട് തനിക്കും പനിയും തൊണ്ടവേദനയും ചുമയും ഉണ്ടായെന്നും ഗ്രേറ്റ അറിയിച്ചു. എന്നാൽ ഇരുവരും കോവിഡ്19 പരിശോധനക്ക് വിധേയരായിട്ടില്ല.
സ്വീഡനിലെ കോവിഡ് നയമനുസരിച്ച് താനിപ്പോൾ രോഗബാധിതയല്ലെന്നും സുഖം പ്രാപിച്ചുവരികയാണെന്നും ഗ്രേറ്റ പറഞ്ഞു.
യുവജനത വൈറസ് വ്യാപനം ഗൗരവമായി കാണണമെന്നും നേരിയ ലക്ഷണങ്ങളാണെങ്കിലും ഐസൊലേഷനിൽ കഴിയണമെന്നും ഗ്രേറ്റ നിർദേശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.