ഇസ്ലാമാബാദ്: പാകിസ്താൻ വിദേശകാര്യമന്ത്രിക്ക് പിന്നാലെ ആരോഗ്യമന്ത്രിക്കും കോവിഡ് സ്ഥിരീകരിച്ചു. ആരോഗ്യമന്ത്രി ഡോ. സഫർ മിശ്ര കോവിഡ് പോസിറ്റീവായതിനെ തുടർന്ന് നിരീക്ഷണത്തിൽപോയി. ഇദ്ദേഹം രോഗലക്ഷണങ്ങൾ പ്രകടിപ്പിച്ചതിനെ തുടർന്ന് മുൻകരുതൽ നടപടികൾ സ്വീകരിച്ചിരന്നതായിരുന്നതായി ആരോഗ്യമന്ത്രാലയം അറിയിച്ചു.
കഴിഞ്ഞയാഴ്ച പാക് വിദേശകാര്യമന്ത്രി ഷാ മഹ്മൂദ് ഖുറേഷിക്ക് കോവിഡ് സ്ഥിരീകരിച്ചിരുന്നു. ഇദ്ദേഹവും ചികിത്സയിലാണ്.
കോവിഡ് പ്രതിരോധ പ്രവർത്തനങ്ങൾ ഫലപ്രദമാക്കാത്തതിനെതിരെ രാജ്യത്ത് മന്ത്രിമാർക്കെതിരെ കടുത്ത വിമർശനം ഉയർന്നിരുന്നു. പാകിസ്താനിൽ ഇതുവരെ 2,31,000 പേർക്കാണ് കോവിഡ് സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 3344 പേർക്ക് രോഗം സ്ഥിരീകരിച്ചു. 4762 പേർ രാജ്യത്ത് ഇതുവരെ മരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.