വാഷിങ്ടൺ: യു.എസ് കോൺഗ്രസിെൻറ സംയുക്ത സമ്മേളനത്തെ അഭിമുഖീകരിച്ച് വാർഷിക സന്ദേശം നൽകുന്നത് ഭരണസ്തം ഭനം തീർന്ന ശേഷം മാത്രമായിരിക്കുമെന്ന് യു.എസ് പ്രസിഡൻറ് ഡൊണാൾഡ് ട്രംപ്. യു.എസിൽ ഒാരോ കലണ്ടർ വർഷത്തിലും സ ംയുക്ത കോൺഗ്രസിനെ പ്രസിഡൻറ് അഭിസംബോധന ചെയ്യാറുണ്ട്. ഇൗ വാർഷിക സന്ദേശമാണ് ഭരണസ്തംഭനം ഒഴിവായ ശേഷം നടത്തുമെന്ന് ട്രംപ് അറിയിച്ചിരിക്കുന്നത്.
ഭരണസ്തംഭനത്തിനിടെ തന്നെ വാർഷിക സന്ദേശം നൽകാൻ ജനപ്രതിനിധി സഭാ സ്പീക്കർ നാൻസി പെലോസി എന്നോട് ആവശ്യപ്പെട്ടു. ഞാൻ സമ്മതിച്ചു. എന്നാൽ ഭരണസ്തംഭനമാണെന്ന് പറഞ്ഞ് പിന്നീട് അവർ മനസു മാറ്റി. മറ്റൊരു തീയതി നിർദേശിച്ചു. അതിനുള്ള അധികാരം അവർക്കുണ്ട്. ഭരണസ്തംഭനം എന്ന് തീരുന്നോ അന്ന് ഞാൻ കോൺഗ്രസിനെ അഭിസംബോധന ചെയ്യും -ട്രംപ് ട്വീറ്റ് ചെയ്തു.
വാർഷിക സന്ദേശം നൽകുന്നതിന് യു.എസ് കോൺഗ്രസ് അല്ലാതെ മെറ്റാരു വേദിെയ കുറിച്ച് ചിന്തിക്കുന്നില്ല. ചരിത്രവും പാരമ്പര്യവും പ്രാധാന്യവുമുള്ള യു.എസ് കോൺഗ്രസിനോട് മത്സരിക്കാൻ മറ്റൊന്നിനും സാധിക്കില്ല. അടുത്തു തന്നെ ഗംഭീര വാർഷിക സന്ദേശം നൽകുന്നതിനുള്ള തയാറെടുപ്പിലാണ് - ട്രംപ് വ്യക്തമാക്കി.
യു.എസ്- മെക്സികോ അതിർത്തി മിതൽ കെട്ടുന്നതിന് ഫണ്ട് അനുവദിക്കുന്നതുമായി ബന്ധപ്പെട്ട തർക്കമാണ് ചരിത്രത്തിൽ ഏറ്റവും നീണ്ട ഭരണസ്തംഭനത്തിലേക്ക് യു.എസിനെ നയിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.