ഇന്ത്യാ സന്ദർശനത്തിന് മണിക്കൂറുകൾ മാത്രം ശേഷിക്കേ ബാഹുബലിയായി യു.എസ് പ്രസിഡന്‍റ് ഡോണൾഡ് ട്രംപ്. തരംഗം സൃഷ്ട ിച്ച ‘ബാഹുബലി’ സിനിമയിലെ നായകന് ട്രംപിന്‍റെ മുഖം ചേർത്തുവെച്ച വിഡിയോ അദ്ദേഹം തന്നെ ട്വിറ്ററിൽ പങ്കുവെച്ചിട് ടുണ്ട്.
ബാഹുബലി ട്രംപ് യുദ്ധത്തിനിറങ്ങുന്നതും എതിരാളികളെയൊന്നാകെ വെട്ടിവീഴ്ത്തുന്നതും വിഡിയോയിലുണ്ട്. ബാഹുബലിയുടെ പത്നി ദേവസേനയായി ട്രംപിന്‍റെ പത്നി മെലാനിയയും വിഡിയോയിലുണ്ട്.
Look so forward to being with my great friends in INDIA! https://t.co/1jdk3AW6fG
— Donald J. Trump (@realDonaldTrump) February 22, 2020
ട്രംപിന്‍റെ മക്കളായ ഇവാങ്കയും ട്രംപ് ജൂനിയറും ഇന്ത്യൻ പ്രധാനമന്ത്രി നരേന്ദ്ര മോദിയുമെല്ലാം ‘ബാഹുബലി’യിലെ താരങ്ങളാകുന്നു.
'ഇന്ത്യയിലെ സുഹൃത്തുക്കളോടൊപ്പം ചേരുന്നതിനെ ഏറെ പ്രതീക്ഷയോടെയാണ് കാണുന്നത്' എന്ന അടിക്കുറിപ്പോടെ ട്രംപ് പങ്കുവെച്ച വിഡിയോ സമൂഹമാധ്യമങ്ങൾ ഏറ്റെടുത്തുകഴിഞ്ഞു.
ഫെബ്രുവരി 24നാണ് രണ്ടുദിന സന്ദർശനത്തിനായി ട്രംപ് ഇന്ത്യയിലെത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.