വാഷിങ്ടൺ: െഎ.ഒ.എസ് 12.1 അപ്ഡേറ്റിന് ശേഷം െഎഫോൺ x പൊട്ടിത്തെറിച്ചതായി പരാതി. വാഷിങ്ടണിലുള്ള ഉപഭോക്താവാണ് ഫോൺ പൊട്ടിത്തെറിച്ചുവെന്ന പരാതിയുമായി രംഗത്തെത്തിയിട്ടുള്ളത്. അപ്ഡേറ്റ് പൂർത്തിയായ ഉടൻ ഫോണിൽ നിന്ന് പുക ഉയരുകയും പിന്നീട് പൊട്ടിത്തെറിക്കുകയും ചെയ്യുകയായിരുന്നുവെന്ന് ഇയാൾ പരാതിപ്പെടുന്നു.
കഴിഞ്ഞ ജനുവരിയിലാണ് ആപ്പിളിെൻറ െഎഫോൺ x വാങ്ങിയതെന്ന് ഉപഭോക്താവായ റാഹേൽ മുഹമ്മദ് പറഞ്ഞു. ചാർജ് ചെയ്യുന്ന സമയത്താണ് ഫോൺ പൊട്ടിത്തെറിച്ചത്. ആപ്പിളിെൻറ ചാർജറും കേബിളുമാണ് ഉപയോഗിച്ചതെന്നും മുഹമ്മദ് വ്യക്തമാക്കുന്നു.
അതേസമയം, സംഭവിക്കാൻ പാടില്ലാത്തതാണ് ഉണ്ടായതെന്നും ഇക്കാര്യത്തിൽ അന്വേഷണം ഉണ്ടാകുമെന്നും ആപ്പിൾ പ്രതികരിച്ചു. െഎഫോൺ x പുറത്തിറങ്ങിയതിന് ശേഷം പൊട്ടിതെറിച്ച സംഭവങ്ങൾ റിപ്പോർട്ട് ചെയ്തിരുന്നില്ല. മുമ്പ് സാംസങ് ഗാലക്സി നോട്ട് 7 വ്യാപകമായി പൊട്ടിത്തെറിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.