ലണ്ടൻ: കേംബ്രിഡ്ജ് അനലറ്റിക്കയുമായി ബന്ധപ്പെട്ട വിവരചോർച്ച വിഷയത്തിൽ ഫേസ്ബുക്കിന് വൻ തുക പിഴ. ഏകദേശം 5 ലക്ഷം പൗണ്ട് ഫേസ്ബുക്ക് പിഴയായി നൽകണമെന്നാണ് യു.കെ ഇൻഫർമേഷൻ കമീഷണറുടെ ഉത്തരവ്. ഉപയോക്താക്കളുടെ വ്യക്തിഗത വിവരങ്ങൾ സംരക്ഷിക്കുന്നതിൽ ഫേസ്ബുക്കിന് ഗുരുതര വീഴ്ചയുണ്ടായെന്ന് കമീഷൻ നിരീക്ഷിച്ചു.
ജി.ഡി.ആർ നിയമ ഭേദഗതി നിലവിൽ വരുന്നതിന് മുമ്പുള്ള പരമാവധി പിഴശിക്ഷയാണ് ഫേസ്ബുക്കിന് വിധിച്ചിരിക്കുന്നത്. ഉപയോക്താക്കളുടെ സമ്മതമില്ലാതെ ഫേസ്ബുക്ക് അവരുടെ വ്യക്തിഗത വിവരങ്ങൾ ആപ് ഡെവലപ്പർമാർക്ക് കൈമാറിയെന്നാണ് വിവര കമീഷൻ കണ്ടെത്തിയിരിക്കുന്നത്.
2007 മുതൽ 2014 വരെയുള്ള കാലയളവിൽ ഉപയോക്താക്കളുടെ വ്യക്തിഗത വിവരങ്ങൾ ഫേസ്ബുക്ക് ആപ് ഡെവലപ്പർമാർക്ക് കൈമാറിയെന്നാണ് കണ്ടെത്തൽ. ഫേസ്ബുക്ക് ഉപയോക്താക്കളോട് ഒരുതരത്തിലുമുള്ള അനുമതിയും വാങ്ങാതെയായിരുന്നു കമ്പനിയുടെ നടപടി. ഉപയോക്താക്കളുടെ വ്യക്തിഗത വിവരങ്ങൾ സംരക്ഷിക്കുന്നതിനായി ഫേസ്ബുക്ക് എടുത്ത നടപടികൾ ഫലപ്രദമല്ലെന്നും കമീഷൻ വിലയിരുത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.