കാലിഫോർണിയ: നഗ്ന ചിത്രങ്ങൾ ഉപയോഗിച്ച് നടക്കുന്ന ബ്ലാക്ക്മെയിലിങ്ങിന് തടയിടാൻ പുതിയ പദ്ധതിയുമായി ഫേസ്ബുക്ക്. ഫേസ്ബുക്കിനെയും അശ്ലീല വിമുക്തമാക്കുക എന്ന ലക്ഷ്യം മുൻ നിർത്തിയാണ് കമ്പനിയുടെ പുതിയ ചുവടുവെപ്പ്. ഇതിനായി ഉപയോക്താകൾ അവരുടെ നഗ്നചിത്രങ്ങൾ അയച്ചുതരണമെന്നാണ് ഫേസ്ബുക്ക് ആവശ്യപ്പെടുന്നത്. ഇത്തരത്തിൽ ലഭിക്കുന്ന ചിത്രങ്ങൾ പിന്നീട് ഫേസ്ബുക്കിൽ വരാതെ സംരക്ഷിക്കുന്ന തരത്തിലാണ് പദ്ധതി.
അയക്കുന്ന ചിത്രങ്ങൾ ഡിജിറ്റൽ ഫിംഗർപ്രിൻറ് രൂപത്തിലേക്ക് ഫേസ്ബുക്ക് മാറ്റും. ഇത്തരം ചിത്രങ്ങൾ പിന്നീട് അപ്ലോഡ് ചെയ്യാൻ ശ്രമിച്ചാൽ ഫേസ്ബുക്ക് അത് തടയും. തങ്ങളുടെ സ്വകാര്യ ചിത്രങ്ങൾ വ്യാപകമായി പ്രചരിക്കുന്നുണ്ടെന്നും അത് ഒഴിവാക്കണമെന്നും ആവശ്യപ്പെട്ട് നിരവധി പേർ ഫേസ്ബുക്കിന് സമീപിക്കാറുണ്ട്. ഇത്തരം അഭ്യർഥനകൾ കൂടിയതോടെയാണ് പ്രതികാരത്തിനായി ഫേസ്ബുക്കിലൂടെ നഗ്നചിത്രങ്ങൾ ഉപയോഗിക്കുന്നതിന് നിയന്ത്രണം ഏർപ്പെടുത്താൻ തീരുമാനിച്ചത്.
ആസട്രേലിയയിൽ പരീക്ഷണാടിസ്ഥാനത്തിൽ ഫേസ്ബുക്ക് ഇൗ പദ്ധതി ആരംഭിച്ച് കഴിഞ്ഞു. വൈകാതെ തന്നെ ആഗോളതലത്തിലും ഇത് വ്യാപകമാക്കാൻ ഒരുങ്ങുകയാണ് ഫേസ്ബുക്ക്. എന്തായാലും ഫേസ്ബുക്കിെൻറ പുതിയ പദ്ധതിയെ സംബന്ധിച്ച ആശങ്കകളും സൈബർ ലോകത്ത് നിറയുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.