പതിവുപോലെ പുതിയ വിവാദത്തിലകപ്പെട്ടിരിക്കുകയാണ് ടെസ്ലയുടെ തലവൻ ഇലോൺ മസ്ക്. ഇത്തവണ സംഗതി ഒരൽപം കൈവിട്ട ുപോയി എന്ന് വേണം കരുതാൻ. കുട്ടികളിലേക്ക് കോവിഡ് രോഗം പടരില്ലെന്നാണ് മസ്കിൻെറ ഏറ്റവും പുതിയ അവകാശവാദം. കുട്ടികൾ പ്രതിരോധശേഷി ഏറെയുള്ളവരാണെന്നും പ്രായമാവർ ദുർബലരാണെന്നുമാണ് മസ്ക് ഇതുമായി ബന്ധപ്പെട്ട് ട്വിറ്ററിൽ നടന്ന ചർച്ചയിൽ പറഞ്ഞത്.
Kids are essentially immune, but elderly with existing conditions are vulnerable. Family gatherings with close contact between kids & grandparents probably most risky.
— Elon Musk (@elonmusk) March 19, 2020
മസ്കിൻെറ ട്വീറ്റ് അനവസരത്തിലുള്ളതും തെറ്റാണെന്നും നിരവധി പേർ ട്വിറ്ററിൽ തന്നെ അഭിപ്രായപ്പെട്ടു. കൊറോണ വൈറസ് ആരെയും ബാധിക്കാമെന്നും ലോകത്ത് പലയിടങ്ങളിലായി കുട്ടികളെയും പിഞ്ചുകുഞ്ഞുങ്ങളെയും പോലും ബാധിച്ചിട്ടുണ്ടെന്നതാണ് യാഥാർഥ്യമെന്നും മസ്കിനെ തിരുത്തിക്കൊണ്ട് ചിലർ പ്രതികരിച്ചു. കൊറോണ വൈറസ് മൂലം കുട്ടികൾക്കോ ചെറുപ്പക്കാർക്കോ രോഗം വരില്ലെന്നതും പ്രതിരോധ ശേഷി കുറഞ്ഞ വയോധികർക്ക് മാത്രമേ രോഗം ബാധിക്കുകയുളളൂ എന്ന് വിശ്വസിക്കുന്നത് തെറ്റാണെന്നാണ് വിദഗ്ധാഭിപ്രായം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.