ബാഴ്സലോണ: മുൻ വർഷങ്ങളിൽ നിന്ന് ഇൗ വർഷത്തെ മൊബൈൽ വേൾഡ് കോൺഗ്രസിനെ വ്യത്യസ്തമാക്കുന്നത് നോക്കിയയുടെ രണ്ടാം വരവാണ്. നോക്കിയ 6 എല്ലാം റെക്കോഡുകളും തകർത്ത് ചരിത്രമെഴുതിയതിന് പിന്നാലെ അതിലും മികച്ച ഫ്ലാഗ്ഷിപ്പ് ഫോൺ ഇൗ വർഷമവസാനം ബാഴ്സലോണയിൽ നടക്കുന്ന മൊബൈൽ വേൾഡ് കോൺഗ്രസിൽ അവതരിപ്പിക്കാനുള്ള ശ്രമത്തിലാണ് കമ്പനി. നോക്കിയ പി വൺ എന്ന ഫോണായിരിക്കും കമ്പനി അവതരിപ്പികുക.
ആൻഡ്രോയിഡ് 7 ഒാപ്പറേറ്റിങ് സിസ്റ്റത്തിലായിരിക്കും ഫോൺ. 6 ജി.ബി റാമുള്ള ഫോണിന് 128 ജി.ബി, 256 ജി.ബി മെമ്മറി ഒാപ്ഷനുകളാവും ഉണ്ടാവുക. എകദേശം 50,000 രൂപയായിരിക്കും ഫോണിെൻറ വിലയെന്നും റിപ്പോർട്ടുകളുണ്ട്. 5.3 ഇഞ്ച് ഗോറില്ല ഗ്ലാസ് ഡിസ്പ്ലേ, സ്നാപ്പ്ഡ്രാഗൺ പ്രൊസസർ, 22.3 മെഗാപിക്സൽ കാമറ, 3500mAh ബാറ്ററി എന്നിവയാണ് മറ്റ് സവിശേഷതകൾ.
ടെക് പ്രേമികൾ എറെ പ്രതീക്ഷയോടെ കാത്തിരിക്കുന്ന സാംസങ്ങ് ഗാലക്സി എസ്8, എൽ.ജി ജി6 എന്നീ ഫോണുകളുടെ ലോഞ്ചിങ്ങും മൊബൈൽ വേൾഡ് കോൺഗ്രസിലുണ്ടാവുമെന്നാണ് സൂചന.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.