കൊച്ചി: രാജ്യത്തെ യുവ ഫുട്ബാള് താരങ്ങളെ കണ്ടെത്താന് റിലയന്സ് ഫൗണ്ടേഷന് യൂത്ത് സ്പോര്ട്സ് കഴിഞ്ഞവര്ഷം തുടക്കമിട്ട ദേശീയ ഫുട്ബാള് ചാമ്പ്യന്ഷിപ്പിെൻറ രണ്ടാം പതിപ്പിന് കൊച്ചിയില് വര്ണാഭ തുടക്കം. കളമശ്ശേരി രാജഗിരി പബ്ലിക് സ്കൂള് ഗ്രൗണ്ടില് റിലയന്സ് ഫൗണ്ടേഷന് ചെയര്പേഴ്സനും ഫൗണ്ടറുമായ നിത അംബാനിയുടെയും കേരള ബ്ലാസ്റ്റേഴ്സ് സ്ട്രൈക്കര് സി.കെ. വിനീതിെൻറയും സാന്നിധ്യത്തില് നടന്ന ആദ്യമത്സരത്തില് ആതിഥേയരായ കളമശ്ശേരി രാജഗിരി പബ്ലിക് സ്കൂള് അസീസി വിദ്യാനികേതന് ടീമിനെ ഏകപക്ഷീയമായ ഒരുഗോളിന് തോല്പിച്ചു.
ഐ.എസ്.എല്ലിെൻറ നാലാം സീസണില് കേരള ബ്ലാസ്റ്റേഴ്സ് ടീമിലേക്ക് തെരഞ്ഞെടുക്കപ്പെട്ട ഇടുക്കി സ്വദേശി അജിത് ശിവന് ചടങ്ങില് നിത അംബാനി ബ്ലാസ്റ്റേഴ്സ് േജഴ്സി കൈമാറി. യൂത്ത് ചാമ്പ്യന്ഷിപ്പിെൻറ കഴിഞ്ഞ സീസണിലെ പ്രകടനമാണ് അജിത് ശിവന് ബ്ലാസ്റ്റേഴ്സിലേക്ക് പ്രവേശനമൊരുക്കിയത്. സ്കൂളുകളിലും കോളജുകളിലും കായികമേഖലക്ക് പുത്തനുണര്വ് നല്കാനുള്ള പദ്ധതികള് ആവിഷ്കരിക്കുകയാണ് റിലയന്സ് ഫൗണ്ടേഷന് യൂത്ത് സ്പോര്ട്െസന്ന് ഉദ്ഘാടന ചടങ്ങില് നിത അംബാനി പറഞ്ഞു. അടുത്ത അഞ്ചുമാസത്തിനകം 3000 വിദ്യാഭ്യാസ സ്ഥാപനങ്ങളില്നിന്നുള്ള 60,000 കുട്ടികളാണ് മത്സരത്തില് പങ്കെടുക്കാന് തയാറെടുക്കുന്നത്. ചാമ്പ്യന്ഷിപ്പിെൻറ രണ്ടാം സീസണില് രാജ്യത്തെ 30 നഗരങ്ങളിലാണ് മത്സരങ്ങള്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.