ക്രിക്കറ്റ് താരം ചേതൻ ചൗഹാന് കോവിഡ് പോസറ്റീവ്
ലഖ്നൗ: മുൻ ഇന്ത്യൻ ക്രിക്കറ്റ് താരം ചേതൻ ചൗഹാന് കോവിഡ് ബാധിച്ചു. രോഗലക്ഷണങ്ങൾ കണ്ടെത്തിയതോടെ വെള്ളിയാഴ്ച സാമ്പ്ൾ ശേഖരിച്ച് പരിശോധന നടത്തുകയായിരുന്നു. ഞായറാഴ്ചയാണ് ഫലം പുറത്തു വന്നത്. ലഖ്നൗവിലെ സഞ്ജയ് ഗാന്ധി പി.ജി.ഐ ആശുപത്രിയിൽ ചികിത്സയിലാണ്.
ചൗഹാെൻറ കുടുംബം നിരീക്ഷണത്തിൽ തുടരുകയാണ്. ഹോം ക്വാറൻറീനിലിരിക്കുന്ന കുടുംബത്തിെൻറ ഫലം ഇതുവരെ പുറത്തു വന്നിട്ടില്ല.
ക്രിക്കറ്റ് ലോകത്ത് നിരവധി പേർക്ക് കോവിഡ് ബാധിച്ചിരുന്നു. ഇംഗ്ലണ്ട് പര്യടനത്തിന് കഴിഞ്ഞ മാസം ഒരുങ്ങിയ പാക് ക്രിക്കറ്റ് ടീമിലെ 10 പേർക്ക് രോഗം സ്ഥിരീകരിച്ചിരുന്നു. മുൻ പാക് താരം ഷാഹിദ് അഫ്രീദിക്കും, സ്കോട്ട്ലൻറിെൻറ മുൻ താരം മാജിദ് ഹഖിനും രോഗം ബാധിച്ച് ഈയിടെ ഭേദമായി.
മുൻ ഇന്ത്യൻ ഓപണർ ആകാശ് ചോപ്ര ചേതൻ ചൗഹാന് പ്രാർഥന അറിയിച്ച് ട്വിറ്ററിൽ കുറിപ്പിട്ടു. എത്രയും പെട്ടെന്ന് രോഗം മാറി തിരിച്ചെത്താൻ കഴിയട്ടെയെന്ന് ആകാശ് ചോപ്ര എഴുതി. 1981ലെ അർജുന അവാർഡ് ജേതാവ്കൂടിയായ ചൗഹാൻ ഇന്ത്യക്കായി 40 ടെസ്റ്റുകളും ഏഴ് ഏകദിന മത്സരങ്ങളും കളിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.