ന്യൂഡല്ഹി: ഈ മാസം ആരംഭിക്കുന്ന ട്വന്റി20 ലോകകപ്പിന് ഇന്ത്യന് പുരുഷ, വനിതാ ടീമുകള്ക്കുള്ള പുതിയ ജഴ്സി പുറത്തിറക്കി. നൈക്കാണ് ടീം അംഗങ്ങള്ക്കുള്ള സ്പോര്ട്സ് കിറ്റ് സ്പോണ്സര് ചെയ്തിരിക്കുന്നത്. നീലനിറത്തില് മാറ്റമില്ല. റൗണ്ട് കോളറോടു കൂടി നെഞ്ചിനു മുകളില് ഓറഞ്ചു വരകളോടെയാണ് ജഴ്സി രൂപകല്പന ചെയ്തിരിക്കുന്നത്. ഇന്ത്യന് ടീമിന്െറ നീല ജഴ്സി അണിയുന്നത് അഭിമാനമാണെന്ന് ചടങ്ങില് പങ്കെടുത്ത അജിന്ക്യ രഹാനെ പറഞ്ഞു. പുതിയ ജഴ്സി താരങ്ങളുടെ ഉത്തരവാദിത്തം വര്ധിപ്പിക്കുന്നതാണെന്നായിരുന്നു വനിതാ ടീം ക്യാപ്റ്റന് മിഥാലി രാജിന്െറ പ്രതികരണം. മാര്ച്ച് 15 മുതല് ഇന്ത്യ പുതിയ ജഴ്സിയണിയും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.