സെൻ നദിക്കരയിൽ ഇനി ഒളിമ്പിക്സോളം; വിസ്മയ കാഴ്ചകളൊരുക്കി പാരിസ്

പാരിസ്: സെൻ നദിക്കരയിൽ വിസ്മയ കാഴ്ചകളൊരുക്കി ഒളിമ്പിക്സിന്‍റെ ഉദ്ഘാടന ചടങ്ങുകൾ. ഒരു നൂറ്റാണ്ടിനു ശേഷമാണ് പാരിസിലേക്ക് ഒളിമ്പിക്സ് വീണ്ടുമെത്തിയത്.

ചരിത്രത്തിലാദ്യമായാണ് സ്റ്റേഡിയത്തിന് പുറത്ത് നടക്കുന്ന ഉദ്ഘാടന ചടങ്ങിന് പാരിസ് നഗരം സാക്ഷിയായത്. 206 രാജ്യങ്ങളിൽ നിന്നുള്ള 10,500 കായികതാരങ്ങൾ 85 നൗകകളിലായി മാർച്ച് ഫാസ്റ്റിൽ അണി നിരക്കും. പഴയ പാലങ്ങൾക്കടിയിലൂടെയും പ്രശസ്തമായ കെട്ടിടങ്ങൾക്കും പ്രദേശങ്ങൾക്കും അരികിലൂടെയുമാണ് മാർച്ച് പാസ്റ്റ് കടന്നുപോകുന്നത്.

ഒളിമ്പിക് ദീപശിഖയെ സെൻ നദിക്കു കുറുകെയുള്ള ഒസ്റ്റർലിസ് പാലത്തിൽ ഫ്രാൻസിന്‍റെ പതാകയുടെ നിറത്തിലുള്ള വർണകാഴ്ചയൊരുക്കിയാണ് സ്വീകരിച്ചത്. ഗ്രീസ് ടീമാണ് മാർച്ച് പാസ്റ്റിൽ ആദ്യം അണിനിരന്നത്. രണ്ടാമതായി ഒളിമ്പിക്സ് അഭയാർഥി ടീമും സെൻ നദിയിലൂടെ ഒഴുകിയെത്തി. ആഘോഷ ചടങ്ങുകൾക്ക് മാറ്റുകൂട്ടി സൂപ്പർ ഗായിക ലേഡി ഗാഗയും വേദിയിലെത്തി. നദിയുടെ ഓരോ പാലത്തിനരികിലും നൃത്ത പരിപാടികൾ അരങ്ങേറി.

ഫ്രഞ്ച് പ്രസിഡന്‍റ് ഇമ്മാനുവൽ മാക്രോൺ, രാജ്യാന്തര ഒളിമ്പിക് കമ്മിറ്റി പ്രസിഡന്‍റ് തോമസ് ബാഷ് ഉൾപ്പെടെയുള്ളവർ ചടങ്ങിൽ പങ്കെടുക്കുന്നുണ്ട്. അഞ്ചാം തവണ ഒളിമ്പിക്സിനെത്തിയ ടേബ്ൾ ടെന്നിസ് താരം അജന്ത ശരത് കമലും രണ്ടുവട്ടം മെഡൽ നേടിയ ബാഡ്മിന്റൺ താരം പി.വി. സിന്ധുവുമാണ് ഇന്ത്യൻ സംഘത്തിന്റെ പതാകയേന്തുന്നത്.

ഇന്ത്യൻ ഒളിമ്പിക് അസോസിയേഷൻ പ്രസിഡന്റ് പി.ടി. ഉഷയടക്കമുള്ളവർ പങ്കെടുക്കുന്നുണ്ട്. പാരിസിന്റെ ചരിത്രസ്മാരകങ്ങളുടെ 12 നിശ്ചല ദൃശ്യങ്ങളും ശ്രദ്ധേയമായി. ഇന്ത്യ ശനിയാഴ്ച പുരുഷ ഹോക്കിയിലടക്കം മത്സരത്തിനിറങ്ങും. ബാഡ്മിന്റൺ പുരുഷ സിംഗിൾസ്, പുരുഷ ഡബ്ൾസ്, വനിത ഡബ്ൾസ് , ടേബ്ൾ ടെന്നിസ് പുരുഷ സിംഗിൾസ്, തുഴച്ചിൽ പുരുഷ സിംഗിൾ സ്കൾസ്, ഷൂട്ടിങ് മിക്സഡ് 10 മീറ്റർ എയർ റൈഫിൾ, പുരുഷ വിഭാഗം 10 മീറ്റർ എയർ റൈഫിൾ, വനിത വിഭാഗം 10 മീറ്റർ എയർ റൈഫിൾ, ബോക്സിങ് വനിത 54 കിലോ എന്നീ മത്സരങ്ങളിലാണ് ഇന്ത്യ ഇന്നിറങ്ങുന്നത്. 

ബോക്സിങ് റഫറിയായി സായ് അശോക്

ന്യൂഡൽഹി: ഒളിമ്പിക്സിൽ ബോക്‌സിങ് നിയന്ത്രിക്കുന്ന ഏറ്റവും പ്രായം കുറഞ്ഞ ഇന്ത്യക്കാരനായി കബിലൻ സായ് അശോക്. ഇന്ത്യയുടെ മുൻ അന്താരാഷ്‌ട്ര ബോക്‌സറാണ് സായ് അശോക്. റഫറി ജഡ്ജായാണ് സായ് അശോക് കളി നിയന്ത്രിക്കുക.

ഒളിമ്പിക്‌സിൽ ബോക്സിങ്ങിൽ ഒഫിഷ്യലാകുന്ന നാലാമത്തെ ഇന്ത്യക്കാരനാണ് 32കാരനായ സായ്. പുണെയിലെ ആർമി സ്‌പോർട്‌സ് ഇൻസ്റ്റിറ്റ്യൂട്ടിൽ ബോക്‌സിങ് അഡ്മിനിസ്‌ട്രേറ്ററായ സായ്, വേൾഡ് മിലിട്ടറി ബോക്‌സിങ് കൗൺസിലിന്റെ പ്രസിഡന്റാകുന്ന ആദ്യ ഇന്ത്യക്കാരൻകൂടിയാണ്. 2012ൽ ലണ്ടനിലാണ് അവസാനമായി ഇന്ത്യക്കാരൻ ഒളിമ്പിക്‌സ് നിയന്ത്രിച്ചത്.

ഒളിമ്പിക്സിലെ മലയാളി താരങ്ങൾക്ക് അഞ്ചു ലക്ഷം

തി​രു​വ​ന​ന്ത​പു​രം: പാ​രി​സ് ഒ​ളി​മ്പി​ക്സി​നു​ള്ള ഇ​ന്ത്യ​ൻ ടീ​മി​ൽ അം​ഗ​ങ്ങ​ളാ​യ അ​ഞ്ച് മ​ല​യാ​ളി​താ​ര​ങ്ങ​ൾ​ക്കും അ​ത്‍ല​റ്റി​ക്സ് ചീ​ഫ് കോ​ച്ച് രാ​ധാ​കൃ​ഷ്ണ​ൻ നാ​യ​ർ​ക്കും അ​ഞ്ചു ല​ക്ഷം രൂ​പ വീ​തം അ​നു​വ​ദി​ച്ച​താ​യി മ​ന്ത്രി വി. ​അ​ബ്ദു​റ​ഹി​മാ​ൻ അ​റി​യി​ച്ചു. ദേ​ശീ​യ മ​ത്സ​ര​ങ്ങ​ളി​ൽ കേ​ര​ള​ത്തെ പ്ര​തി​നി​ധീ​ക​രി​ച്ച താ​ര​ങ്ങ​ളാ​യ മു​ഹ​മ്മ​ദ് അ​ന​സ്, മു​ഹ​മ്മ​ദ് അ​ജ്മ​ൽ (റി​ലേ), അ​ബ്ദു​ല്ല അ​ബൂ​ബ​ക്ക​ർ (ട്രി​പ്ൾ ജം​പ്), പി.​ആ​ർ. ശ്രീ​ജേ​ഷ് (ഹോ​ക്കി), എ​ച്ച്.​എ​സ് പ്ര​ണോ​യ് (ബാ​ഡ്മി​ന്റ​ൺ) എ​ന്നി​വ​ർ​ക്കാ​ണ് തു​ക അ​നു​വ​ദി​ച്ച​ത്. പ​രി​ശീ​ല​ന​ത്തി​നും ഒ​ളി​മ്പി​ക്സി​ൽ മ​റ്റ് ഒ​രു​ക്ക​ങ്ങ​ൾ​ക്കു​മാ​ണ് ഈ ​തു​ക.

ക​ഴി​ഞ്ഞ ത​വ​ണ മി​ക​ച്ച നേ​ട്ടം കൈ​വ​രി​ച്ച ശ്രീ​ജേ​ഷി​ന്റെ നേ​തൃ​ത്വ​ത്തി​ലു​ള്ള ഹോ​ക്കി ടീ​മി​ൽ ഇ​ത്ത​വ​ണ​യും മെ​ഡ​ൽ പ്ര​തീ​ക്ഷ​യു​ണ്ടെ​ന്ന് മ​ന്ത്രി പ​റ​ഞ്ഞു. ബാ​ഡ്മി​ൻ​റ​ണി​ൽ പ്ര​ണോ​യി​യും ഫോ​മി​ലാ​ണ്. ഒ​ളി​മ്പി​ക്സി​ൽ പ​ങ്കെ​ടു​ക്കു​ന്ന മ​ല​യാ​ളി താ​ര​ങ്ങ​ൾ​ക്കും ഇ​ന്ത്യ​ൻ ടീ​മി​ന് മൊ​ത്ത​ത്തി​ലും മ​ന്ത്രി വി​ജ​യാ​ശം​സ നേ​ർ​ന്നു.