ഖത്തറിലാണ്​ ഖ​ൽബ്​

ലോ​ക​ക​പ്പി​ന്‍റെ പ​ന്ത്​ ​ ഖ​ത്ത​റി​ൽ ഉ​രു​ണ്ടുതു​ട​ങ്ങു​മ്പോ​ൾ
അ​ണ​​ക്കെ​ട്ടി​ന്‍റെ നാ​ട്ടി​ലും ആ​വേ​ശം അ​ണ​പൊ​ട്ടു​ക​യാ​ണ്.
മ​ല​നാ​ടി​ന്‍റെ സി​ര​ക​ളി​ൽ ഇ​പ്പോ​ൾ ഫു​ട്​​ബാ​ൾ മാ​ത്ര​മാ​ണ്.
പ്രി​യതാ​ര​ങ്ങ​ളു​ടെ ക​ട്ടൗ​ട്ടു​ക​ൾ ഉ​യ​ർ​ന്നും ഇ​ഷ്ടടീ​മു​ക​ളു​ടെ കൊ​ടി​ക​ൾ പ​റ​ന്നും എ​ങ്ങും ആ​വേ​ശമു​ഖ​രി​ത​മാ​ണ്.
ഫാ​ൻപോ​രു​ക​ളും ചാ​യ​ക്ക​ട​ക​ളി​ലെ ച​ർ​ച്ച​യും
ഫു​ട്​​ബാ​ളി​ലേ​ക്ക്​ വ​ഴിമാ​റു​​ന്നു. ഇ​ഷ്ട ടീ​മു​ക​ളും
ക​ളി​ക്കാ​രും ക​ളി​ക്ക​ള​ത്തി​ൽ പോ​രാ​ട്ട​ത്തി​നി​റ​ങ്ങു​മ്പോ​ൾ ഇ​ടു​ക്കി​യു​ടെ പ്രി​യ നേ​താ​ക്ക​ളും
ഫു​ട്​​ബാ​ൾ താ​ര​ങ്ങ​ളും മ​ന​സ്സ്​ തു​റ​ക്കു​ന്നു
-​ ത​ങ്ങ​ളു​ടെ ഫു​ട്​​ബാ​ൾ വി​ശേ​ഷ​ങ്ങ​ളു​മാ​യി..

ബ്ര​സീ​ലി​നെ​യും അ​ർ​ജ​ന്‍റീന​​യെ​യും ഒരുപോലിഷ്​ടം

ബ്ര​സീ​ലും അ​ർ​ജ​ന്‍റീന​യു​മാ​ണ്​ ഇ​ഷ്ട ടീ​മു​ക​ൾ. ലാ​റ്റി​ന​മേ​രി​ക്ക​ൻ ഫു​ട്​​ബാ​ളി​ന്‍റെ ആ​വേ​ശ​വും സൗ​ന്ദ​ര്യ​വും ഒ​ത്തു​​ചേ​രു​ന്ന ഒ​രു ഫൈ​ന​ലാ​ണ്​ പ്ര​തീ​ക്ഷി​ക്കു​ന്ന​ത്. ലോ​കക​പ്പ്​ ഫു​ട്​​ബാ​ളി​ന്‍റെ ആ​വേ​ശം പ​റ​ഞ്ഞ​റി​യി​ക്കാ​ൻ ക​ഴി​യാ​ത്ത​താ​ണെ​ന്ന്​ ആ​രാ​ധ​ക​രി​ൽ നി​ന്ന്​ ഇ​തി​ന​കം ത​ന്നെ ബോ​ധ്യ​പ്പെ​ട്ട്​ ക​ഴി​ഞ്ഞു. ഇ​ത്ര​ത്തോ​ളം മ​നു​ഷ്യ​നെ സ്വാ​ധീ​നി​ച്ച മ​റ്റൊ​രു ക​ളിയില്ല. ജ​യ പ​രാ​ജ​യ​ങ്ങ​ൾ അ​നി​വാ​ര്യ​മാ​ണ്. അ​തി​ലു​പ​രി ഈ ​ടീ​മു​ക​ൾ ന​ൽ​കു​ന്ന പോ​സി​റ്റിവ്​ എ​ന​ർ​ജി ക​ളി​ക്കാ​ർ​ക്കും ഫു​ട്ബാ​ൾ പ്രേ​മി​ക​ൾ​ക്കും​ ന​ൽ​കു​ന്ന ആ​വേ​ശം അ​തി​നും മേ​ലെ​യാ​ണ്. ഒ​ത്തൊ​രു​മ​യാ​ണ്​ ഫു​ട്​​ബാ​ളി​ൽ നി​ന്ന്​ ഉ​ൾ​ക്കൊ​ള്ളേ​ണ്ട​ത്. വോ​ളി​ബാ​ളാ​ണ്​ കു​ട്ടി​ക്കാ​ല​ത്ത്​ കൂ​ടു​ത​ലാ​യി ക​ളി​ച്ചി​രു​ന്ന​ത്. ഇ​തി​ന്‍റെ ഇ​ട​വേ​ള​ക​ളി​ലാ​യി​രു​ന്നു​ കാ​ൽ​പ​ന്ത്​ ക​ളി. ലോ​ക​പ്പ്​ ഫു​ട്​​ബാൾ മ​ത്സ​ര​ങ്ങ​ൾ കാ​ണാ​ൻ ചെ​റു​പ്പ​ത്തി​ൽ ​ അ​യ​ൽ വീ​ടു​ക​ളി​ൽ പോ​യ​തും ഓ​ർ​മ​വ​രു​ന്നു.

റോ​ഷി അ​ഗ​സ്​റ്റി​ൻ (ജ​ലവി​ഭ​വ മ​ന്ത്രി)

ക​പ്പ​ടി​ക്കും അ​ർ​ജ​ന്‍റീ​ന

ഇ​ത്ത​വ​ണ അ​ര്‍ജ​ന്റീ​ന കി​രീ​ടം നേ​ടു​മെ​ന്നാ​ണ് വി​ശ്വാ​സം. മ​റ​ഡോ​ണ​യു​ടെ കാ​ലം മു​ത​ൽ അ​ർ​ജ​ന്‍റീ​ന​ക്കൊ​പ്പ​മാ​ണ്. മി​ക​ച്ച മ​ത്സ​ര​ങ്ങ​ളാ​ണ്​​ ഇ​ത്ത​വ​ണ പ്ര​തീ​ക്ഷി​ക്കു​ന്ന​ത്. മ​ന്ത്രി​യാ​യി​രു​ന്ന​പ്പോ​ൾ ലോ​ക​ക​പ്പ്​ മ​ത്സ​രം ന​ട​ക്കു​ന്ന സ​മ​യ​ത്ത്​ ഒ​രു കാ​ര​ണ​വ​ശാ​ലും വൈ​ദ്യു​തി മു​ട​ങ്ങ​രു​തെ​ന്ന്​ ഉ​ദ്യോ​ഗ​സ്ഥ​ർ​ക്ക്​ ക​ർ​ശ​ന നി​ർ​ദേ​ശം ന​ൽ​കി​യി​രു​ന്നു. അ​തി​ന്​ പി​ന്നി​ൽ ആ​രാ​ധ​ക​രു​ടെ നി​ര​ന്ത​ര​മാ​യ ആ​വ​ശ്യ​മാ​യി​രു​ന്നു. ആ​ശാ​നെ ഇ​ന്ന്​ ക​ളി​യു​ള്ള​താ​ണേ. ക​റ​ന്‍റ്​ ഒ​ന്ന്​ നോ​ക്കി​ക്കോ​ണേ എ​ന്നും മ​റ്റും നി​ര​വ​ധി പേ​ർ വി​ളി​ക്കു​മാ​യി​രു​ന്നു. ആ​രാ​ധ​ക​രു​ടെ നി​ർ​ദേ​ശ​ത്തെ തു​ട​ർ​ന്ന്​ ​ക​ഴി​ഞ്ഞ ത​വ​ണ പ്ര​ത്യേ​ക യോ​ഗം ത​ന്നെ വി​ളി​ച്ച്​ ഉ​ദ്യോ​ഗ​സ്ഥ​ർ​ക്ക്​ ക​ർ​ശ​ന നി​ർ​ദേ​ശം ന​ൽ​കി​യി​രു​ന്നു. ചി​ല​യി​ട​ങ്ങ​ളി​ൽ ക​റ​ണ്ട്​ പോ​കു​മ്പോ​ൾ എ​ന്‍റെ ന​മ്പ​റി​ൽ നേ​രി​ട്ട്​ വി​ളി​ച്ച്​ ആ ​സെ​ക്ഷ​ൻ ചാ​ർ​ജു​ള്ള ആ​ളു​ടെ ന​മ്പ​ർ ഒ​ന്ന്​ ത​ന്നേ എ​ന്ന്​ ചോ​ദി​ച്ച ഫു​ട്​​ബോ​ൾ ആ​രാ​ധ​ക​ൻ വ​രെ​യു​ണ്ട്. ക്രി​ക്ക​റ്റി​നോ​ട് ഇ​ഷ്ട​മു​ണ്ടെ​ങ്കി​ലും ഒ​രു പ​ടി മു​ന്നി​ൽ ഫു​ട്​ബാൾ ത​ന്നെ. മ​ന​സ്സ്​ വെ​ച്ചാ​ൽ ന​മ്മു​ടെ നാ​ട്ടി​ലും പു​തി​യ താ​ര​ങ്ങ​ളു​ണ്ടാ​കും.

എം.​എം മ​ണി ( ഉ​ടു​മ്പ​ൻ​ചോ​ല എം.​എ​ൽ.​എ)

ഇ​ഷ്ട താ​രം റൊ​ണാ​ൾ​ഡോ; ക​പ്പ് ജ​ർ​മ​നി​ക്ക്

ഇ​ഷ്ടതാ​രം റൊ​ണാ​ൾ​ഡോ​യും ടീം ​പോ​ർ​ച്ചു​ഗ​ലും ആ​ണെ​ങ്കി​ലും ക​പ്പ് അ​വ​ർ അ​ടി​ക്കാ​ൻ സാ​ധ്യ​ത കു​റ​വാ​ണ്​ .ജ​ർ​മ​നി ഇ​ത്ത​വ​ണ കി​രീ​ടം ചൂ​ടു​മെ​ന്ന്​ ക​രു​തു​ന്നു. ടീ​മി​ലെ ഏ​ഴ്​ പേ​ർ മി​ക​ച്ച​യാ​ളു​ക​ളാ​ണ്. ഇ​വ​ർ ഒ​ത്തൊ​രു​മ​യോ​ടെ മു​ന്നേ​റി​യാ​ൽ ഇ​ത്​ ടീ​മി​നെ വി​ജ​യ​ത്തി​ലേ​ക്ക്​ ന​യി​ക്കും. വൈ​ദ്യു​തി വ​കു​പ്പി​ൽനി​ന്ന്​ റി​ട്ട​യ​റാ​യെ​ങ്കി​ലും ഫുട്​ബാൾ ആ​വേ​ശ​ത്തി​ന്​ ഒ​രി​ക്ക​ലും പ്രാ​യം ത​ട്ടി​യി​ട്ടി​ല്ല. എ​ന്നും രാ​വി​ലെ അ​റ​ക്കു​ള​ത്ത് ഗ്രൗ​ണ്ടി​ലെ ത്തി പ​ന്ത് ത​ട്ടും. വി​ദ്യാ​ർ​ഥി​ക​ൾ​ക്കും മു​തി​ർ​ന്ന​വ​ർ​ക്കും ഈ ​സ​മ​യം പ​രി​ശീ​ല​ന​വും ന​ൽ​കു​ന്നു. സ​ർ​വീ​സി​ലി​രി​ക്കെ കെ.​എ​സ്.​ഇ.​ബി​യു​ടെ മി​ക​ച്ച ക​ളി​ക്കാ​ര​നാ​കാ​ൻ ഭാ​ഗ്യം ല​ഭി​ച്ചു. പ​ഠ​ന കാ​ല​ത്ത് കേ​ര​ള യൂ​നി​വേ​ഴ്സി​റ്റി​ക്ക് വേ​ണ്ടി എ​ട്ട്​​ഗോ​ളു​ക​ൾ അ​ടി​ച്ചി​ട്ടു​ണ്ട്. കേ​ര​ള സ്കൂ​ൾ, യൂ​നി​വേ​ഴ്സി​റ്റി​ക്ക് വേ​ണ്ടി ശ്രീ​ന​ഗ​റി​ൽ വെ​ച്ച് ന​ട​ന്ന മ​ത്സ​ര​ത്തി​ലും പ​ങ്കെ​ടു​ക്കാ​ൻ സാ​ധി​ച്ചു.

കെ. ​ഗ​ണേ​ഷ്​ (മു​ൻ കേ​ര​ള യൂ​നി​വേ​ഴ്​​സി​റ്റി താ​രം)

ഓ​രോ ഗ്രാ​മ​ത്തി​ലും ആ​വേ​ശം

പ​തി​വി​ലും വ​ർ​ധി​ച്ച ആ​വേ​ശ​മാ​ണ്​ ഇ​ടു​ക്കി​യി​ലെ ഓ​രോ ഗ്രാ​മ​ങ്ങ​ളി​ലും. എ​ങ്ങും മെ​സി​​യും റൊ​ണോ​ൾ​ഡോ​യും ത​ല​യു​യ​ർ​ത്തി നി​ൽ​ക്കു​ന്നു. കാ​യി​കപ്രേ​മി​ക​ളു​ടെ ആ​വേ​ശ​ത്തി​നൊ​പ്പം ജി​ല്ല​യി​ലും ഒ​ട്ടേ​റെ പ​രി​പാ​ടി​ക​ൾ ആ​വി​ഷ്ക​രി​ച്ചി​ട്ടു​ണ്ട്.

ജി​ല്ല​യി​ല്‍ 71 കേ​ന്ദ്ര​ങ്ങ​ളി​ല്‍ കു​ട്ടി​ക​ള്‍ക്ക് 10 ദി​വ​സ​ത്തെ പ​രി​ശീ​ല​നം ന​ല്‍കി വ​രു​ന്നു​ണ്ട്. ഇ​വി​ട​ങ്ങ​ളി​ൽ ഫു​ട്​​ബാ​ളും 3000 രൂ​പ​യും വെ​ച്ച്​ ന​ൽ​കി വ​രു​ന്നു. സ്കൂ​ളു​ക​ൾ, കോ​ള​ജു​ക​ൾ,ക്ല​ബ​കു​ൾ എ​ന്നി​വി​ട​ങ്ങ​ളി​ലാ​ണ്​ ന​ൽ​കു​ന്ന​ത്​.

മ​ത്സ​രം തു​ട​ങ്ങു​ന്ന​ത് മു​ത​ല്‍ സ്‌​പോ​ര്‍ട്‌​സ് കൗ​ണ്‍സി​ല്‍ നേ​തൃ​ത്വ​ത്തി​ല്‍ ബി​ഗ് സ്‌​ക്രീ​ന്‍ പ്ര​ദ​ര്‍ശ​ന​വും ഒ​രു​ക്കാ​നു​ദ്ദേ​ശി​ക്കു​ന്നു​ണ്ട്. കാ​യി​ക വ​കു​പ്പി​ന്‍റെ വ​ൺ മി​ല്യ​ൺ ഗോ​ൾ പ​രി​പാ​ടി​ക്കും ജി​ല്ല​യി​ൽ വ​ലി​യ ആ​വേ​ശ​മാ​ണ്​ ല​ഭി​ക്കു​ന്ന​ത്. ഇ​ടു​ക്കി, ചെ​റു​തോ​ണി​യ​ട​ക്കം മേ​ഖ​ല​ക​ളി​ൽ വ​ലി​യ ആ​വേ​ശ​മാ​ണ്. ല​ഹ​രി​ക്കെ​തി​രാ​യ ക്യാ​മ്പ​യ​നാ​യി കൂ​ടി ഈ ​പ്ര​ചാ​ര​ണം മാ​റു​ന്ന​തോ​ടെ നാ​ടെ​ങ്ങും ഫു​ട്​​ബാ​ൾ ല​ഹ​രി​യാ​യി മാ​റു​ക​യാ​ണ്. വ്യ​ക്​​തി​പ​ര​മാ​യി അ​ർ​ജ​ന്‍റീ​ന​ക്കൊ​പ്പ​മാ​ണ്​ മ​ന​സ്സ്​. അ​വ​ർ ത​ന്നെ ക​പ്പ​ടി​ക്കു​മെ​ന്നാ​ണ്​ വി​ശ്വാ​സ​വും.

റോ​മി​യോ ​സെ​ബാ​സ്​​റ്റി​ൻ ( ജി​ല്ലാ സ്​​പോ​ർ​ട്​​സ്​ കൗ​ൺ​സി​ൽ പ്ര​സി​ഡ​ന്‍റ്) 

ആരവത്തിലലിയാൻ മലയാളികളും

ക​ളി ആ​ര​വ​ത്തി​ല​ലി​യാ​ൻ കാ​ണാ​ൻ ആ​യി​ര​ക്ക​ണ​ക്കി​ന് മ​ല​യാ​ളി​ക​ളാ​ണ് ഖ​ത്ത​റി​ലേ​ക്ക്​ എ​ത്തി​ക്കൊ​ണ്ടി​രി​ക്കു​ന്ന​ത്. വി​പു​ല​മാ​യ സ​ജ്ജീ​ക​ര​ണ​മാ​ണ് ഖ​ത്ത​ർ ഭ​ര​ണ​കൂ​ടം ഒ​രു​ക്കി​യി​രി​ക്കു​ന്ന​ത്. ലോ​ക​ക​പ്പ് മ​ത്സ​രം നേ​രി​ട്ട് കാ​ണ​ണ​മെ​ന്ന ഒ​റ്റ ആ​ഗ്ര​ഹം കൊ​ണ്ട്​ ഈ ​മാ​സം ആ​ദ്യം ത​ന്നെ ഖ​ത്ത​റി​ലെ​ത്തി​യ​ത്. ക​ളി ന​ട​ക്കു​ന്ന എ​ട്ട്​ സ്റ്റേ​ഡി​യ​ങ്ങ​ളി​ൽ അ​ഞ്ചും സ​ന്ദ​ർ​ശി​ച്ച് ക​ഴി​ഞ്ഞു. കാ​ലാ​വ​സ്ഥ​യും വ​ള​രെ അ​ധി​കം അ​നു​കൂ​ല​മാ​ണ്. ഫൈ​ന​ൽ മ​ത്സ​ര​വും ക​ണ്ട​ശേ​ഷ​മേ കേ​ര​ള​ത്തി​ലേ​ക്ക് മ​ട​ക്ക​മു​ള്ളു. എ​ന്‍റെ ഇ​ഷ്ട ടീം ​ബ്ര​സീ​ലാ​ണ്. എ​ന്നാ​ൽ ഇ​ഷ്ട​താ​രം പോ​ർ​ച്ചു​ഗ​ലി​ന്‍റെ റൊ​ണാ​ൾ​ഡോ​യാ​ണ്. ബ്ര​സീ​ൽ, അ​ർ​ജ​ന്‍റീ​ന, ജ​ർ​മ​നി ഇ​വ​രി​ൽ ആ​രെ​ങ്കി​ലും ക​പ്പ് അ​ടി​ക്കു​മെ​ന്നാ​ണ് പ്ര​തീ​ക്ഷ. ഇം​ഗ്ല​ണ്ടും മി​ക​ച്ച പ്ര​ക​ട​നം കാ​ഴ്ച​വെ​ക്കും.

ടോ​മി കു​ന്നേ​ൽ (കേ​ര​ള ഫു​ട്ബാ​ൾ അ​സോ​സി​യേ​ഷ​ൻ പ്ര​സി​ഡ​ന്‍റ്) 

മെ​സ്സി​യോ​​ടി​ഷ്ടം

അ​ർ​ജ​ന്‍റീ​ന​യോ​ടും മെ​സി​യോ​ടു​മാ​ണ്​ ഏ​റെ ഇ​ഷ്ടം. ഫുട്​ബാളായിരുന്നു. ചെ​റു​പ്പ കാ​ല​ത്തെ പ്ര​ധാ​ന വി​നോ​ദം. ഫു​ട്​​ബാ​ൾ ക​ളി​യു​​ടെ സ്വീ​കാ​ര്യ​ത അ​തി​ശ​യ​പ്പെ​ടു​ത്തു​ന്ന​താ​ണ്. അ​തു​പോ​ലെ ​ ആ​രാ​ധ​ക​രു​ടെ ആ​വേ​ശ​വും. കൂ​ടി വ​രു​ന്ന​ത​ല്ലാ​തെ അ​തി​നൊ​രു കു​റ​വും ഇ​തു​വ​രെ വ​ന്നി​ട്ടി​ല്ല.

കോ​ള​ജ്​​ പ​ഠ​നകാ​ല​ത്ത്​ ന​ന്നാ​യി ഫു​ട്​​ബാ​ൾ ക​ളി​ച്ചി​രു​ന്നു. മു​ൻ ലോ​ക​പ്പു​ക​ളി​ലെ പ്ര​ധാ​ന ടീ​മു​ക​ളു​ടെ ക​ളി​ക​ൾ മു​ട​ങ്ങാ​തെ ക​ണ്ടി​രു​ന്നു. അ​തി​നാ​യി സ​മ​യം ക​ണ്ടെ​ത്തു​ക​യും ചെ​യ്യും. ഇ​ത്ത​വ​ണ​യും ക​ളി കാ​ണാ​ൻ തീ​രു​മാ​നി​ച്ചു​റ​പ്പി​ച്ചി​ട്ടു​ണ്ട്.

പി.​ജെ. ജോ​സ​ഫ്​ (തൊ​ടു​പു​ഴ എം.​എ​ൽ.​എ)

പെരുത്തിഷ്ടം ബ്രസീലി​നോട്

ബ്ര​സീ​ൽ ആ​രാ​ധ​ക​നാ​യ​തി​നാ​ൽ ക​പ്പ​ടി​ക്കു​ന്ന​തും ബ്ര​സീ​ലാ​ക​ണ​മെ​ന്നാ​ണ്​ ആ​ഗ്ര​ഹം. പ​ല ടീ​മു​ക​ളെ​യും ഇ​ത്ത​വ​ണ ഒ​ഴി​വാ​ക്കാ​ൻ​ക​ഴി​യി​ല്ല. ജ​ർ​മ​നി, ഹോ​ള​ണ്ട്​ എ​ന്നി​വ ഉ​ദാ​ഹ​ര​ണ​മാ​ണ്. ഇ​വ​ർ​ക്കും ഇ​ത്ത​വ​ണ അ​വ​സ​ര​മു​ണ്ട്. ഹോ​ള​ണ്ടി​ന്‍റെ തി​രി​ച്ച്​ വ​ര​വ്​ കാ​ണാ​ൻ ആ​ഗ്ര​ഹ​മു​ണ്ട്. ഇം​ഗ്ല​ണ്ട്​ അ​ത്​ഭു​തം കാ​ണി​ക്കാ​ൻ സാ​ധ്യ​ത​യു​ണ്ട്. മ​ല​യാ​ളി​ക​ൾ ഒ​രു​പ​ക്ഷേ ഏ​റ്റ​വും കൂ​ടു​ത​ൽ പേ​ർ നേ​രി​ട്ട്​ കാ​ണു​ന്ന ഒ​രു ലോ​ക​ക​പ്പ്​ കൂ​ടി​യാ​കും ഇ​ത്. എ​ന്‍റെ നാ​ടാ​യ ഇ​ടു​ക്കി​യി​ൽ അ​ർ​ജ​ന്‍റീ​ന, ബ്ര​സീ​ൽ ആ​രാ​ധ​ക​ർ പ്ര​ചാ​ര​ണ പോ​രാ​ട്ടം ക​ടു​പ്പി​ച്ചു ക​ഴി​ഞ്ഞു. എ​ന്‍റെ ഫു​ട്​​ബാ​ൾ തു​ട​ക്കം ത​ന്നെ മൂ​ല​മ​റ്റം സ്കൂ​ൾ ഗ്രൗ​ണ്ടി​ലാ​യി​രു​ന്നു. കെ.​എ​സ്.​ഇ.​ബി കോ​ള​നി​യി​ലെ വി​കാ​സ്​ ഫു​ട്​​ബാ​ൾ ക്ല​ബി​ലൂ​ടെ ബാ​ല​പാ​ഠ​ങ്ങ​ൾ പ​ഠി​ച്ചു. കേ​ര​ള​ത്തി​ന്​ വേ​ണ്ടി സ​ന്തോ​ഷ്​ ട്രോ​ഫി നേ​ടി എ​ത്തി​യ​പ്പോ​ഴും നാ​ടി​ന്‍റെ ഫു​ട്​​ബാ​ൾ ആ​വേ​ശം നേ​രി​ട്ട്​ അ​നു​ഭ​വി​ച്ച​താ​ണ്. അ​ടി​പൊ​ളി ഫാ​ൻ ഫൈ​റ്റാ​ണ്​ ഇ​ത്ത​വ​ണ​യും നാ​ട്ടി​ൽ ന​ട​ക്കു​ന്ന​ത്.

എ​ൻ.​പി. പ്ര​ദീ​പ്​ (ഫു​ട്​​ബാ​ൾ താ​രം) 

ആരാധകരെ ശാന്തരാകുവിൻ 70 അ​ടി ഉ​യ​ര​ത്തി​ൽ  മെ​സ്സി​യു​ടെ ക​ട്ടൗ​ട്ട്​

തൊ​ടു​പു​ഴ : വ​ഴി​ത്ത​ല​യി​ലെ ഫു​ട്‌​ബാൾ ‍ആ​രാ​ധ​ക​രു​ടെ ആ​വേ​ശം അ​ൽ​പം പൊ​ക്ക​ത്തി​ൽ ത​ന്നെ​യാ​ണ്​ . ഇ​തി​ഹാ​സ താ​രം ല​യ​ണ​ല്‍ മെ​സ്സിയു​ടെ 70 അ​ടി ഉ​യ​ര​ത്തി​ലു​ള്ള ക​ട്ടൗ​ട്ടാ​ണ് ഇ​വി​ടെ ആ​രാ​ധ​ക​ര്‍ സ്ഥാ​പി​ച്ച​ത്. പൂ​ര്‍ണ​മാ​യും കൈ​കൊ​ണ്ടാ​ണ് ക​ട്ടൗ​ട്ട് വ​ര​ച്ച​തെ​ന്ന​താ​ണ് ഇ​തി​ന്റെ പ്ര​ത്യേ​ക​ത.

ര​ണ്ടാ​ഴ്ച നീ​ണ്ട പ​രി​ശ്ര​മ​ത്തി​നൊ​ടു​വി​ലാ​ണ് ഇ​ത്ര ഉ​ര​യ​ത്തി​ലു​ള്ള ക​ട്ടൗ​ട്ട് പൂ​ര്‍ത്തി​യാ​ക്കി​യ​ത്. പ്ര​തി​ഫ​ലം വാ​ങ്ങാ​തെ രാ​ജി, രാ​ജേ​ഷ് എ​ന്നീ സ​ഹോ​ദ​ര​ന്‍മാ​രാ​ണ് ഈ ​ക​ട്ടൗ​ട്ടി​ല്‍ മെ​സ്സി​യു​ടെ ചി​ത്രം വ​ര​ച്ച​ത്.

ക​ട്ടൗ​ട്ടി​ന്റെ നി​ര്‍മ്മാ​ണം പൂ​ര്‍ത്തി​യാ​ക്കാ​ന്‍ ഒ​ന്ന​ര ല​ക്ഷ​ത്തോ​ളം രൂ​പ ചെല​വ​ഴി​ച്ചു. റി​ക്കോ എ​ന​ര്‍ജി ഇ​ന്ത്യാ പ്രൈ​വ​റ്റ് ലി​മി​റ്റ​ഡ്, ലാ​ലാ ലാ​ന്‍ഡ് എ​ന്നി​വ​യു​ടെ സ്‌​പോ​ണ്‍സ​ര്‍ ഷി​പ്പി​ലാ​ണ് ക​ട്ടൗ​ട്ട് നി​ര്‍മി​ച്ച് സ്ഥാ​പി​ച്ച​ത്. ക​ട്ടൗ​ട്ട് സ്ഥാ​പി​ക്കാ​നാ​യി വ​ഴി​ത്ത​ല​യി​ല്‍ ന​ട​ത്തി​യ ഘോ​ഷ​യാ​ത്ര​യി​ല്‍ കു​ട്ടി​ക​ളും സ്ത്രീ​ക​ളുമു​ള്‍പ്പെ​ടെ നി​ര​വ​ധി​യാ​ളു​ക​ള്‍ പ​ങ്കെ​ടു​ത്തു. ദൃ​ശ്യം സ​ിനി​മ​യി​ലെ ജോർജ്​കു​ട്ടി​യു​ടെ വീ​ടി​ന്റെ ചി​ത്രീ​ക​ര​ണം ന​ട​ന്ന അ​തേ വീ​ടി​ന് മു​ന്നി​ല്‍ എ​ല്ലാ​വ​രു​ടെ​യും ശ്ര​ദ്ധ കി​ട്ടും വി​ധം റോ​ഡ​രി​കി​ലാ​ണ്​സ്ഥാ​പി​ച്ചി​രി​ക്കു​ന്ന​ത്.

ആ​വേ​ശ​ത്തി​ൽ ഇ​രു​മ്പു​പാ​ല​വും പ​ത്താം​മൈ​ലും

അ​ടി​മാ​ലി : മെ​സ്സി​യും നെ​യ്മ​റും അ​ര​ങ്ങു​വാ​ണ നാ​ട്ടി​ൽ ഇ​വ​രെ ക​ട​ത്തി​വെ​ട്ടി റോ​​ണാ​ൾ​ഡോ. ഇ​രു​മ്പു​പാ​ല​ത്തി​ന്റെ ഹൃ​ദ​യഭാ​ഗ​മാ​യ ക​വ​ല​യി​യി​ലാ​ണ്​ റൊ​ണാ​ൾ​ഡോ​യു​ടെ കൂ​റ്റ​ൻ ക​ട്ടൗ​ട്ട്​ ഉ​യ​ർ​ന്ന​ത്.

മെ​സി​യു​ടെ​യും നെ​യ്മ​റി​ന്‍റെ​യും ക​ട്ടൗ​ട്ടു​ക​ളെ​ക്കാ​ർ വ​ലു​പ്പ​ത്തി​ൽ 30 അ​ടി​യി​ലേ​റെ ഉ​യ​ര​ത്തി​ലാ​ണ്​ ആ​രാ​ധ​ക​ർ ക​ട്ടൗ​ട്ട്​ സ്ഥാ​പി​ച്ച​ത്. ലോ​ക​ക​പ്പി​ന്‍റെ വ​ലി​യ ആ​വേ​ശ​ത്തി​നാ​ണ്​ പ​ത്താം മൈ​ലും ഇ​രു​മ്പു​പാ​ല​വും സാ​ക്ഷ്യം വ​ഹി​ക്കു​ന്ന​ത്. മ​ർ​ച്ച​ന്റ് അ​സാ​സി​യേ​ഷ​ന്റെ നേ​തൃ​ത്വ​ത്തി​ൽ റാ​ലി​യും പെ​നാ​ൽ​റ്റി ഷൂട്ടൗ​ട്ടും ഇ​തി​നോ​ട​കം ന​ട​ത്തി​ക്ക​ഴി​ഞ്ഞു. ഞാ​യ​റാ​ഴ്ച പ​ത്താം മൈ​ലി​ൽ ബൈ​ക്ക് റാ​ലി​യു​ൾ​പ്പെ​ടെ​യു​ള്ള ആ​ഘോ​ഷ​ങ്ങ​ളും വി​ളം​ബ​ര ജാ​ഥ​യും വ​ടം വ​ലി​യും ന​ട​ത്തു​ന്നു​ണ്ട്.

റ​ഫ​റി​യാ​യിട്ടു​ണ്ട്​

ഇ​ന്ന്​ കാ​ണു​ന്ന​തി​നേ​ക്കാ​ൾ ഒ​രു പ​ക്ഷേ ആ​വേ​ശം പ​ണ്ട്​ ഉ​ണ്ടാ​യി​രു​ന്നു തോ​ട്ടം മേ​ഖ​ല​ക​ളി​ൽ. തോ​ട്ട​ങ്ങ​ളു​ടെ എ​ല്ലാ ഡി​വി​ഷ​നു​ക​ളി​ലും ലേ​ബ​ർ ക്ല​ബു​ക​ളും അ​വ​രു​ടെ കീ​ഴി​ൽ വേ​ളി​ബാ​ൾ ടീ​മും ഫു​ട്​​ബാ​ൾ ടീ​മും സ​ജീ​വ​മാ​യി​രു​ന്നു. ബ്രി​ട്ടീ​ഷു​കാ​രു​ടെ കാ​ല​ത്ത്​ ഫു​ട്ബാ​ൾ മ​ത്സ​ര​ങ്ങ​ൾ​ക്ക്​​ അ​വ​ർ ന​ല്ല പ്രോ​ത്സാ​ഹ​നം ന​ൽ​കി​യി​രു​ന്നു. മ​ത്സ​ര വി​ജ​യി​ക​ൾ​ക്ക്​ സ​മ്മാ​ന​ങ്ങ​ൾ കൊ​ടു​ക്കു​ന്ന​തി​നൊ​പ്പം ടീം ​അം​ഗ​ങ്ങ​ൾ​ക്ക്​ മ​റ്റി​ട​ങ്ങ​ളി​ൽ പോ​യി ക​ളി​ക്കാ​ൻ വാ​ഹ​ന​മ​ട​ക്കം കൂ​ടു​ത​ൽ സൗ​ക​ര്യ​ങ്ങ​ളും ഇ​വ​ർ ചെ​യ്തു ന​ൽ​കി​യി​രു​ന്നു. ചി​ല മ​ത്സ​ര​ങ്ങ​ൾ​ക്ക്​ റ​ഫ​റി​യാ​യി പോ​യി​ട്ടു​ണ്ട്. ഗ്ല​ൻ​മേ​രി എ​സ്​​​റ്റേ​റ്റി​ൽ റ​ഫ​റി​യാ​യി പോ​യ സ​മ​യ​ത്ത്​ ടീ​മു​ക​ൾ ത​മ്മി​ൽ കൈയാ​ങ്ക​ളി​യാ​യി. വി​ഷ​യ​ത്തി​ൽ ഇ​ട​​പെ​ട്ട റ​ഫ​റി​യെ വ​ലി​ച്ച്​ താ​ഴെ​യി​ട്ട സം​ഭ​വം ഇ​ന്നും ഓ​ർ​ക്കു​മ്പോ​ൾ ചി​രി​യാ​ണ്. അ​ർ​ജ​ന്‍റീ​ന​യാ​ണ്​ ഇ​ഷ്ട ടീം. ​ഇ​ന്ന്​ എ​വി​ടെ​യി​രു​ന്നും ലോ​ക​ക​പ്പ്​ കാ​ണാ​മെ​ന്ന​ത്​ വ​ലി​യ കാ​ര്യ​മാ​ണ്.

വാ​ഴൂ​ർ സോ​മ​ൻ (പീ​രു​മേ​ട്​ എം.​എ​ൽ.​എ)

ആ​വേ​ശ​ക്കു​ളി​രി​ൽ​ മൂ​ന്നാ​ർ

മു​ന്നാ​റി​ലെ​ങ്ങും ഇ​പ്പോ​ൾ ഫു​ട്​​ബാ​ൾ ആ​വേ​ശ​മാ​ണ്. തെ​രു​വോ​ര​ങ്ങ​ളി​ൽ ന​ട​ന്നാ​ൽ ലോ​ക​ക​പ്പി​ന്​ മു​ന്നോ​ടി​യാ​യി ഒ​രു​ക്കി​യി​രി​ക്കു​ന്ന അ​ല​ങ്കാ​ര​ങ്ങ​ള​ല്ലാ​തെ ​ മ​റ്റൊ​ന്നും കാ​ണാ​നി​ല്ല. ഞാ​ൻ ഒ​രു അ​ർ​ജ​ന്‍റീ​ന ആ​രാ​ധ​ക​നാ​ണ്. സ്കൂ​ളി​ൽ പ​ഠി​ക്കു​ന്ന കാ​ലം മു​ത​ലേ ഫു​ട്​​ബാ​ൾ ക​ളി​യോ​ട്​ വ​ലി​യ ഇ​ഷ്ട​മു​ണ്ട്. ക​ളി​ക​ളി​ലും പ​​ങ്കെ​ടു​ക്കാ​റു​ണ്ടാ​യി​രു​ന്നു. എ​സ്​​റ്റേ​റ്റ്​ മേ​ഖ​ല​യി​ലെ ലോ​ക​ക​പ്പ്​ എ​ന്ന്​ വി​ളി​ക്കു​ന്ന ഒ​രു​മാ​സം നീ​ളുന്ന ഫി​ൻ​​ലേ ക​പ്പ്​ ഫു​ട്​ബാൾ മ​ത്സ​ര​ങ്ങ​ൾ പ​തി​വാ​യി ക​ണ്ടി​രു​ന്നു. തൊ​ഴി​ലാ​ളി​ക​ൾ​ക്ക്​ ഇ​തൊ​രു വി​കാ​ര​മാ​ണ്. ഇ​ത്ത​വ​ണ ലോ​കക​പ്പി​നോ​ട​നു​ബ​ന്ധി​ച്ച്​ മ​ണ്ഡ​ല​ത്തി​ൽ വി​വി​ധ പ​രി​പാ​ടി​ക​ൾ സം​ഘ​ടി​പ്പി​ക്കു​ന്നു​ണ്ട്. മൂന്നാ​റി​ൽ എ​ല്ലാ​വ​ർ​ക്കും ഒ​രു​മി​ച്ചി​രു​ന്ന്​ ക​ളികാ​ണാ​ൻ ക​ഴി​യു​ന്ന ഒ​രു സൗ​ക​ര്യം ഏ​ർ​പ്പെ​ടു​ത്താ​നാ​ണ്​ ഉ​ദ്ദേ​ശി​ക്കു​ന്ന​ത്.

അ​ഡ്വ. എ. ​രാ​ജ (ദേ​വി​കു​ളം എം.​എ​ൽ.​എ)

ഇ​ഷ്ട ടീം ​അ​ർ​ജ​ന്‍റീ​ന

ഫു​ട്​​ബാ​ൾ ആ​സ്വ​ദി​ച്ച്​ തു​ട​ങ്ങി​യ കാ​ലം മു​ത​ൽ ഇ​ഷ്ട ടീം ​അ​ർ​ജ​ന്‍റീ​ന​യാ​ണ്. ഇ​ത്ത​വ​ണ അ​ർ​ജ​ന്‍റീ​ന ക​പ്പു​യ​ർ​ത്തു​മെ​ന്ന്​ ത​ന്നെ​യാ​ണ്​ വി​ശ്വാ​സം. അ​തി​ന്​ അ​നു​കൂ​ല സാ​ഹ​ച​ര്യ​മാ​ണ്​ ഇ​പ്പോ​ഴു​ള്ള​ത്. രാ​ജ്യാ​ന്ത​ര മ​ത്സ​ര​ത്തി​ലെ മി​ക​ച്ച പ്ര​ക​ട​നം ടീ​മി​നെ ശ​ക്ത​രാ​ക്കി​യി​ട്ടു​ണ്ട്. ജ​ന​പ്ര​തി​നി​ധി​യെ​ന്ന നി​ല​യി​ൽ ഇ​ടു​ക്കി​യി​ലേ​ക്ക്​ ഫു​ട്​​ബാ​ൾ ആ​വേ​ശം എ​ത്തി​ക്കാ​നു​ള്ള ശ്ര​മ​ങ്ങ​ളി​ൽ പ​ങ്കാ​ളി​യാ​കു​ന്നു​ണ്ട്. മൂ​ന്നാ​ർ, രാ​ജാ​ക്കാ​ട്, ഉ​ദ​യ​ഗി​രി ഏ​ല​പ്പാ​റ, അ​ടി​മാ​ലി എ​ന്നി​വി​ട​ങ്ങ​ളി​ലെ​ല്ലാം അ​വ​ധി​ക്കാ​ല ഫു​ട്​​ബോ​ൾ കോ​ച്ചി​ങ്ങ്​ ക്യാ​മ്പു​ക​ൾ ഇ​തി​ന്‍റെ ഭാ​ഗ​മാ​യി സം​ഘ​ട​പ്പി​ച്ചി​രു​ന്നു. ടി.​വി​യി​ൽ കാ​ണു​ന്ന​തി​നെ​ക്കാ​ൾ ബി​ഗ്​ സ്ക്രീ​നി​ൽ ക​ളി കാ​ണു​ന്ന​താ​ണ്​ ഇ​ഷ്ടം. തീപാ​റു​ന്ന പോ​രാ​ട്ട​ങ്ങ​ൾ​ക്കാ​യി കാ​ത്തി​രി​ക്കു​ക​യാ​ണ്​ .

ഡീ​ൻ കു​ര്യാ​ക്കോ​സ്​ (ഇ​ടു​ക്കി എം.​പി)