ദുബൈ: ലോകകപ്പിൽ അർജന്റീനയെ വീഴ്ത്തിയ സൗദി അറേബ്യൻ ഫുട്ബാൾ ടീമിന് അഭിനന്ദനവമായി ദുബൈ ഭരണാധികാരികൾ. ഇത് അർഹിച്ച വിജയമാണെന്ന് യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം പറഞ്ഞു.
മികച്ച പോരാട്ടമായിരുന്നു. അറബ് ലോകത്തിന് സന്തോഷം പകരുന്ന ജയം. ഞങ്ങളെ സന്തുഷ്ടരാക്കിയ സൗദി ടീമിന് അഭിനന്ദനങ്ങളറിയിക്കുന്നുവെന്നും അദ്ദേഹം ട്വിറ്ററിൽ കുറിച്ചു. ടീമിന്റെ വിജയാഹ്ലാദത്തിന്റെയും ഗോൾ കീപ്പർ മുഹമ്മദ് അലൊവൈസിന്റെയും ചിത്രങ്ങൾ പങ്കുവെച്ചാണ് ട്വീറ്റ്.
സൗദി ടീമിന് അഭിനന്ദനങ്ങൾ അർപിക്കുന്നതായി ദുബൈ കിരീടാവകാശിയും എക്സിക്യൂട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂം ട്വീറ്റ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.