അണ്ടർ 19 വനിത ട്വന്റി20 ഏഷ്യകപ്പ്: ഇന്ത്യ ഫൈനലിൽ

സിം​ഗ​പ്പൂ​ർ: കൗ​മാ​ര​ക്കാ​ർ മാ​റ്റു​ര​ച്ച കു​ട്ടി​ക്രി​ക്ക​റ്റി​ന്റെ വ​ൻ​ക​ര​​പ്പോ​രി​ൽ കി​രീ​ട​ത്തി​ലേ​ക്ക് ഒ​രു ചു​വ​ട് അ​രി​കെ ഇ​ന്ത്യ. വെ​ള്ളി​യാ​ഴ്ച സൂ​പ്പ​ർ ഫോ​റി​ലെ ത​ങ്ങ​ളു​ടെ അ​വ​സാ​ന അ​ങ്ക​ത്തി​ൽ ആ​യു​ഷി ശു​ക്ല​യു​ടെ ത​ക​ർ​പ്പ​ൻ ബൗ​ളി​ങ്ങി​ന്റെ ബ​ല​ത്തി​ൽ ശ്രീ​ല​ങ്ക​യെ നാ​ല് വി​ക്ക​റ്റി​ന് വീ​ഴ്ത്തി​യാ​ണ് ടീം ​ഇ​ന്ത്യ ക​ലാ​ശ​പ്പോ​രി​ലേ​ക്ക് ടി​ക്ക​റ്റെ​ടു​ത്ത​ത്.

ടോ​സ് നേ​ടി ഫീ​ൽ​ഡി​ങ് തെ​ര​ഞ്ഞെ​ടു​ത്ത ക്യാ​പ്റ്റ​ൻ നി​ക്കി പ്ര​സാ​ദി​ന്റെ ​തീ​രു​മാ​നം ശ​രി​യെ​ന്ന് തെ​ളി​യി​ച്ച് ആ​യു​ഷി​യും കൂ​ട്ട​രും ചേ​ർ​ന്ന് ല​ങ്ക​ൻ പെ​ൺ​കു​ട്ടി​ക​ളെ മൂ​ന്ന​ക്കം ക​ട​ക്കാ​ൻ വി​ടാ​തെ ഒ​തു​ക്കു​ക​യാ​യി​രു​ന്നു. ശ്രീ​ല​ങ്ക ഒ​മ്പ​ത് വി​ക്ക​റ്റ് ന​ഷ്ട​ത്തി​ൽ 98ൽ ​നി​ന്ന​പ്പോ​ൾ നാ​ല് വി​ക്ക​റ്റ് ശേ​ഷി​ക്കെ ഇ​ന്ത്യ ല​ക്ഷ്യം ക​ണ്ടു. ഇ​ടം​കൈ​യ​ൻ സ്പി​ന്ന​ർ പ​രു​ണി​ക സി​സോ​ദി​യ ര​ണ്ട് വി​ക്ക​റ്റും വീ​ഴ്ത്തി. ല​ങ്ക​ൻ ബാ​റ്റി​ങ്ങി​ൽ സു​മു​ദു നി​സാ​ൻ​സാ​ല (21), ക്യാ​പ്റ്റ​ൻ മാ​നു​ദി ന​ന​യ​ക്ക​ര (33) എ​ന്നി​വ​ർ മാ​ത്ര​മാ​ണ് ര​ണ്ട​ക്കം ക​ണ്ട​ത്. ഇ​രു​വ​രും ചേ​ർ​ന്നു​ള്ള അ​ഞ്ചാം വി​ക്ക​റ്റി​ൽ പി​റ​ന്ന 22 റ​ൺ​സാ​യി​രു​ന്നു ഏ​റ്റ​വും വ​ലി​യ കൂ​ട്ടു​കെ​ട്ട്.

ചെ​റി​യ ല​ക്ഷ്യ​ത്തി​ലേ​ക്ക് മ​റു​പ​ടി ബാ​റ്റി​ങ് ആ​രം​ഭി​ച്ച ഇ​ന്ത്യ​ക്കു മു​ന്നി​ൽ അ​തേ വീ​ര്യ​ത്തോ​ടെ പ​ന്തെ​റി​ഞ്ഞ് ശ്രീ​ല​ങ്ക​യും ക​രു​ത്തു​കാ​ട്ടി. ചാ​മ​ഡി പ്ര​ബോ​ദ 16 റ​ൺ​സ് ന​ൽ​കി മൂ​ന്നു​പേ​രെ മ​ട​ക്കി ഇ​ന്ത്യ​യെ പ്ര​തി​രോ​ധ​ത്തി​ലാ​ക്കി​യെ​ങ്കി​ലും വ​നി​ത പ്രീ​മി​യ​ർ ലീ​ഗ് ലേ​ല​ത്തി​ൽ വ​ൻ​തു​ക അ​ടി​ച്ചെ​ടു​ത്ത ഓ​പ​ണ​ർ ജി. ​ക​മാ​ലി​നി 28 റ​ൺ​സോ​ടെ​യും ഗോം​ഗാ​ഡി തൃ​ഷ 32 റ​ണ്ണു​മാ​യും പി​ടി​ച്ചു​നി​ന്ന​തോ​ടെ ഇ​ന്ത്യ​ൻ വി​ജ​യം എ​ളു​പ്പ​മാ​യി. ഇ​രു​വ​രും ചേ​ർ​ന്ന കൂ​ട്ടു​കെ​ട്ട് പി​രി​ഞ്ഞെ​ങ്കി​ലും ഏ​ഴാം ന​മ്പ​റി​ൽ എ​ത്തി​യ മി​ഥി​ല വി​നോ​ദ് പു​റ​ത്താ​കാ​തെ 17 റ​ൺ​സ് നേ​ടി വി​ജ​യ​വും ഫൈ​ന​ൽ പ്ര​വേ​ശ​വും ഉ​റ​പ്പാ​ക്കി.

ടൂ​ർ​ണ​മെ​ന്റി​ലെ ആ​ദ്യ മ​ത്സ​ര​ത്തി​ൽ പാ​കി​സ്താ​നെ​തി​രെ ഇ​ന്ത്യ ഒ​മ്പ​ത് വി​ക്ക​റ്റ് വി​ജ​യം കു​റി​ച്ചി​രു​ന്നു. പി​റ​കെ ബം​ഗ്ലാ​ദേ​ശ്, ശ്രീ​ല​ങ്ക ടീ​മു​ക​ളെ​യും തോ​ൽ​പി​ച്ചു.