ഇത്തവണ ഫാമിലി ട്രിപ്പില്ല; ചാ​മ്പ്യ​ൻ​സ് ട്രോ​ഫി​യി​ൽ കു​ടും​ബ​ങ്ങ​ളെ കൂ​ടെ കൂ​ട്ടാ​തെ താ​ര​ങ്ങ​ൾ

ന്യൂ​ഡ​ൽ​ഹി: വി​ദേ​ശ ടൂ​ർ​ണ​മെ​ന്റു​ക​ളി​ൽ ബി.​സി.​സി.​ഐ പു​തു​താ​യി പ്ര​ഖ്യാ​പി​ച്ച അ​ച്ച​ട​ക്ക ന​യം പ്ര​യോ​ഗ​ത്തി​ലാ​കു​ന്ന ചാ​മ്പ്യ​ൻ​സ് ട്രോ​ഫി​ക്കാ​യി നാ​ളെ ദു​ബൈ​യി​ലേ​ക്ക് തി​രി​ക്കു​ന്ന ഇ​ന്ത്യ​ൻ ടീ​മി​ൽ താ​ര​ങ്ങ​ൾ​ക്കൊ​പ്പം കു​ടും​ബ​ങ്ങ​ളു​ണ്ടാ​കി​ല്ല. ഫെ​ബ്രു​വ​രി 20ന് ​ബം​ഗ്ല​ദേ​ശി​നെ​തി​രെ ദു​ബൈ​യി​ലാ​ണ് ചാ​മ്പ്യ​ൻ​സ് ട്രോ​ഫി​യി​ൽ ആ​ദ്യ മ​ത്സ​രം. അ​തു​ക​ഴി​ഞ്ഞ് ബ​ദ്ധ​വൈ​രി​ക​ളാ​യ പാ​കി​സ്താ​നു​മാ​യി 23നും ​പ്രാ​ഥ​മി​ക ഘ​ട്ട​ത്തി​ലെ അ​വ​സാ​ന അ​ങ്ക​ത്തി​ൽ ന്യൂ​സി​ല​ൻ​ഡി​നെ​തി​രെ മാ​ർ​ച്ച് ര​ണ്ടി​നും മ​ത്സ​രം ന​ട​ക്കും. ഇ​ന്ത്യ​ൻ ടീ​മി​ന്റെ ക​ളി​ക​ൾ ദു​ബൈ​യി​ൽ ന​ട​ക്കു​മ്പോ​ൾ ​ടൂ​ർ​ണ​മെ​ന്റി​ലെ മ​റ്റു ക​ളി​ക​ൾ പാ​ക് വേ​ദി​ക​ളി​ലാ​കും.

ടൂ​ർ​ണ​മെ​ന്റ് പ​ര​മാ​വ​ധി മൂ​ന്നാ​ഴ്ച​യാ​യ​തി​നാ​ൽ താ​ര​ങ്ങ​ൾ​ക്ക് കു​ടും​ബ​ങ്ങ​ളെ കൂ​ട്ടാ​നാ​കി​ല്ല. 45 ദി​വ​സ​മോ അ​തി​ൽ കൂ​ടു​ത​ലോ ആ​ണെ​ങ്കി​ൽ ര​ണ്ടാ​ഴ്ച വ​രെ കു​ടും​ബ​ങ്ങ​ൾ​ക്ക് കൂ​ടെ​യു​ണ്ടാ​കാം. ‘‘ടൂ​ർ​ണ​മെ​ന്റ് ഒ​രു മാ​സ​ത്തി​ൽ കു​റ​വാ​യ​തി​നാ​ൽ കു​ടും​ബ​ങ്ങ​ൾ താ​ര​ങ്ങ​ൾ​ക്കൊ​പ്പ​മു​ണ്ടാ​കി​ല്ല. ഇ​ള​വു​ക​ൾ അ​നു​വ​ദി​ക്കു​ന്ന പ​ക്ഷം, വ്യ​ക്തി​ക​ൾ പൂ​ർ​ണ ചെ​ല​വ് എ​ടു​ക്കേ​ണ്ടി​വ​രും’’- ബി.​സി.​സി.​ഐ പ്ര​തി​നി​ധി അ​റി​യി​ച്ചു. ന്യൂ​സി​ല​ൻ​ഡ് പ​ര​മ്പ​ര​യും പി​റെ​ക ബോ​ർ​ഡ​ർ- ഗ​വാ​സ്ക​ർ​ ട്രോ​ഫി​യും കൈ​വി​ട്ട​തി​നു പി​ന്നാ​ലെ​യാ​ണ് താ​ര​ങ്ങ​ൾ​ക്ക് ബി.​സി.​സി.​ഐ ക​ടു​ത്ത അ​ച്ച​ട​ക്ക ന​യം ന​ട​പ്പാ​ക്കി​യ​ത്.

കു​ടും​ബ​ത്തെ കൂ​ട്ടു​ന്ന​തി​ന് പു​റ​മെ മ​റ്റു ന​ട​പ​ടി​ക​ളും നി​ല​വി​ൽ വ​ന്നി​ട്ടു​ണ്ട്. പ​രി​ശീ​ല​ന​ത്തി​ന് സ്വ​കാ​ര്യ വാ​ഹ​ന​ത്തി​ലെ​ത്തു​ന്ന​തി​ന് വി​ല​ക്കേ​ർ​പ്പെ​ടു​ത്തി​യ​ത് ഉ​ദാ​ഹ​ര​ണം. ഇ​ന്ത്യ- ഇം​ഗ്ല​ണ്ട് പ​ര​മ്പ​ര​യി​ൽ താ​ര​ങ്ങ​ൾ സ്വ​ന്തം വാ​ഹ​ന​ത്തി​നു പ​ക​രം ഒ​ന്നി​ച്ച് ടീം ​ബ​സി​ലാ​ണ് യാ​ത്ര ചെ​യ്തി​രു​ന്ന​ത്.