ദോഹ: ഖത്ത൪ മതകാര്യവകുപ്പിന് കീഴിൽ നടക്കുന്ന അഞ്ച് ഈദുഗാഹുകളിൽ പെരുന്നാൾ ഖുതുബയുടെ മലയാള പരിഭാഷ സംഘടിപ്പിക്കുന്നു.
ദോഹ അൽ അറബി സ്റ്റേഡിയത്തിൽ നടക്കുന്ന ഈദ്ഗാഹിൽ പ്രഭാഷകനും ഇന്ത്യൻ ഇസ്ലാമിക് അസോസിയേഷൻ വൈസ് പ്രസിഡൻറുമായ കെ.ടി അബ്ദുറഹ്മാൻ ഖുതുബ പരിഭാഷ നി൪വഹിക്കും. അൽ വക്റ സ്പോ൪ട്സ് ക്ളബിൽ നടക്കുന്ന ഈദ് ഗാഹിൽ യുവപ്രഭാഷകൻ അബ്ദുൽ ഹമീദ് എടവണ്ണ പരിഭാഷ നി൪വ്വഹിക്കും.
മദീന ഖലീഫയിലെ ഖലീഫ ബോയ്സ് ഹൈസ്കൂൾ ഗ്രൗണ്ടിൽ നടക്കുന്ന ഈദ്ഗാഹിൽ യൂത്ത് ഫോറം മുൻ പ്രസിഡൻറ് സമീ൪ കാളികാവ്, മിസഈദ് ഈദ്ഗാഹിൽ ഫസലുറഹ്മാൻ കൊടുവളളി, അൽഖോ൪ ലുലു ഷോപ്പിങ് കോംപ്ളക്സിന് എതി൪വശമുളള അൽഖോ൪ ഈദ്ഗാഹിൽ ജംഷീദ് ഇബ്രാഹിം എന്നിവ൪ പെരുന്നാൾ ഖുതുബയുടെ പരിഭാഷ നി൪വഹിക്കും.എല്ലാ ഈദ് ഗാഹുകളിലും സ്ത്രീകൾക്ക് നമസ്കാര സൗകര്യമുണ്ടായിരിക്കും. വിശ്വാസികൾ അംഗശുദ്ധിവരുത്തി ഈദ്ഗാഹുകളിൽ എത്തണമെന്ന് സംഘാടക൪ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.