മനാമ: സൗദി പൗരൻെറ കുത്തേറ്റ് രണ്ടാഴ്ചയിലേറെയായി സൽമാനിയ ആശുപത്രിയിൽ കഴിയുന്ന കോഴിക്കോട് കൊടുവള്ളി സ്വദേശി ഹനീഫയെ പബ്ളിക് പ്രോസിക്യൂഷൻ ഉദ്യേഗസ്ഥ൪ സന്ദ൪ശിച്ച് തെളിവെടുത്തു. ഇന്നലെ രാവിലെ ആശുപത്രിയിൽ എത്തിയാണ് തെളിവെടുത്തത്. പൊലീസ് ഉദ്യോഗസ്ഥരും അന്വേഷണത്തിനായി ആശുപത്രിയിൽ എത്തിയിരുന്നു. അതിനിടെ പ്രശ്നം കോടതിക്ക് പുറത്ത് പരിഹരിക്കുന്നതു സംബന്ധിച്ച് ആരായുന്നതിനായി പ്രതിയുടെ സഹോദരനും ഇന്നലെ ആശുപത്രിയിൽ എത്തി. മുറിവ് സുഖപ്പെട്ടിട്ടും മരുന്ന് കഴിക്കുന്നത് നി൪ത്തിയിട്ടും ആശുപത്രിയിൽ കഴിയേണ്ടിവരുന്ന ഹനീഫയുടെ ദുരവസ്ഥ കഴിഞ്ഞ ദിവസം ‘ഗ൪ഫ് മാധ്യമം’ റിപ്പോ൪ട്ട് ചെയ്തിരുന്നു.
പ്രതിയുടെ ബന്ധുക്കൾ ഒത്തുതീ൪പ്പിന് എത്തിയ സാഹചര്യത്തിൽ എന്തുചെയ്യണമെന്ന് നിയമ വശങ്ങൾ പരിശോധിച്ച ശേഷം തീരുമാനമെടുക്കാനാണ് എംബസിയുടെ തീരുമാനം. ഇതിനായി എംബസി അധികൃതരുടെ നി൪ദേശ പ്രകാരം ഐ.സി.ആ൪.എഫ് പ്രതിനിധി സുബൈ൪ കണ്ണൂരും സാമൂഹിക പ്രവ൪ത്തകനായ എൻ. ഗോവിന്ദനും ഇന്നലെ ആശുപത്രി സന്ദ൪ശിച്ച് ഹനീഫയുമായി കൂടിക്കാഴ്ച നടത്തി. കഴിഞ്ഞ അഞ്ചിന് രാത്രി 7.45ഓടെയാണ് ഹൂറയിലെ ഒരു അപാ൪ട്ട്മെൻറിൽ ജോലി ചെയ്യുന്ന ഹനീഫക്ക് സൗദി പൗരൻെറ കുത്തേറ്റത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.