സൂ൪: പാകിസ്താനി യുവാവ് കടന്നൽ കുത്തേറ്റു മരിച്ചു. സൂറിനടുത്ത് വാദി ബാനി ജാബിറിൽ പെരുന്നാൾ ദിനത്തിലാണ് സംഭവം. പാകിസ്താൻ സ്വദേശിയായ അലാവുദ്ദീനാണ് (45) കടന്നൽ കുത്തേറ്റു മരിച്ചത്. പെരുന്നാൽ നമസ്കാരത്തിനു ശേഷം നാട്ടിലെ ബന്ധുക്കളുമായി ടെലഫോണിൽ ആശംസകൾ കൈമാറുന്നതിനിടെ വീട്ടിനടുത്തെ ഈന്തപഴ തോട്ടത്തിൽ നിന്ന് കടന്നൽ കൈത്തണ്ടയിൽ കുത്തുകയായിരുന്നു.
സുഹൃത്തുക്കളോട് തന്നെ കടന്നൽ കുത്തിയെന്ന് പറഞ്ഞ് നിമിഷങ്ങൾക്കകം അലാവുദ്ദീൻ മരിച്ചുവീണത്രെ.
ഭാര്യയും മൂന്ന് മക്കളമുണ്ട്. സൂ൪ ആശുപത്രി മോ൪ച്ചറിയിൽ സൂക്ഷിച്ചിരിക്കുന്ന മൃതദേഹം അവധിക്കു ശേഷം നാട്ടിലെത്തിക്കാനുള്ള ശ്രമത്തിലാണ് ബന്ധുക്കളും നാട്ടുകാരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.