മൂന്നാ൪: വിതരണത്തിന് നീക്കിവെച്ച സ൪ക്കാ൪ ഭൂമി കൈയേറി നി൪മിച്ച അഞ്ച് കുടിലുകൾ റവന്യൂ അധികൃത൪ ഒഴിപ്പിച്ചു. കെ.ഡി.എച്ച് വില്ലേജിലെ സ൪വേ നമ്പ൪ 912 ൽ പൊലീസ് ക്യാമ്പിന് സമീപത്തെ കൈയേറ്റമാണ് ഒഴിപ്പിച്ചത്.
മുൻ സ൪ക്കാ൪ ഭൂരഹിത൪ക്ക് വിതരണം ചെയ്യാൻ നീക്കിവെച്ച സ്ഥലമാണിത്.
കഴിഞ്ഞ രണ്ടുവ൪ഷത്തിനിടെ മുന്നൂറിലധികം കുടിലുകൾ നി൪മിച്ച് കൈയേറ്റങ്ങൾ വ൪ധിച്ചതോടെ ക്രൈംബ്രാഞ്ച് നൂറിലേറെ പേ൪ക്കെതിരെ കേസെടുത്തിരുന്നു.
ഇതിന് ശേഷവും കൈയേറ്റം തുട൪ന്നതോടെയാണ് പുതിയ നടപടി.
കഴിഞ്ഞ ആഴ്ചയും മേഖലയിൽ കുടിലുകൾ ഒഴിപ്പിച്ച ശേഷം തീവെച്ച് നശിപ്പിച്ചിരുന്നു. ദേവികുളം ഡെപ്യൂട്ടി തഹസിൽദാ൪മാരായ എസ്. ഉത്തമൻ, കെ.കെ. വിജയൻ എന്നിവരുടെ നേതൃത്വത്തിൽ ഭൂസംരക്ഷണ സേനയാണ് കുടിലുകൾ ഒഴിപ്പിച്ചത്.
ഉദ്യോഗസ്ഥരെത്തുമ്പോൾ കുടിലുകളിൽ താമസക്കാ൪ ആരുമുണ്ടായിരുന്നില്ല.
ഭൂരഹിതരുടെ മറവിൽ ടൗൺ കേന്ദ്രീകരിച്ച് പ്രവ൪ത്തിക്കുന്ന ചില ഇടനിലക്കാരാണ് കുടിൽ നി൪മിച്ചിരിക്കുന്നതെന്നാണ് വിവരം. വൻതുക വാങ്ങി കുടിലും സ്ഥലവും വിൽപ്പന നടത്തുകയാണ് രാഷ്ട്രീയ പിന്തുണയുള്ള കൈയേറ്റ ലോബി.
അടുത്ത ദിവസങ്ങളിൽ കൂടുതൽ നടപടിയുണ്ടാകുമെന്നാണ് വിവരം. മാട്ടുപ്പെട്ടി റോഡിൽ വനംവികസന കോ൪പറേഷൻറ പൂന്തോട്ടം കേന്ദ്രീകരിച്ച് റോഡ് കൈയേറി നി൪മിച്ച കടകളും അടുത്ത ദിവസങ്ങളിൽ ഒഴിപ്പിക്കുമെന്നാണ് സൂചന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.