ഉണ്ണി മുകുന്ദനെതിരായ പരാതിയിലെ നടപടികൾക്ക്​ സ്​റ്റേ

കൊച്ചി: നടൻ ഉണ്ണി മുകുന്ദനെതിരായ പരാതിയി​ലുള്ള തുടർ നടപടികൾ ജില്ല കോടതി സ്​റ്റേ ചെയ്​തു.  ഉണ്ണി മുകുന്ദൻ തന്നെ  അപകീർത്തിപ്പെടുത്താനും ഭീഷണിപ്പെടുത്താനും ശ്രമിച്ചെന്ന്​ ആരോപിച്ചും കേസെടുക്കണമെന്ന്​ ആവശ്യപ്പെട്ടും കോട്ടയം സ്വദേശിയായ യുവതി നൽകിയ സ്വകാര്യ അന്യായത്തിലുള്ള തുടർ നടപടികളാണ്​ കോടതി തടഞ്ഞത്​.

കേസിൽ പരാതിക്കാരിയെയും സാക്ഷികളെയും ക്രോസ്​ വിസ്​താരം ചെയ്യാൻ അനുവദിക്കണമെന്ന ഉണ്ണി മുകുന്ദ​​െൻറ അഭിഭാഷക​​െൻറ ആവശ്യം മജിസ്​​ട്രേറ്റ്​ നിരാകരിച്ചതിനെത്തുടർന്നാണ്​ ജില്ല കോടതിയെ സമീപിച്ചത്​. തുടർന്ന്​ വാദം കേട്ടാണ്​ കോടതി തുടർനടപടികൾ തടഞ്ഞിരിക്കുന്നത്​.

ചിത്രത്തി​​െൻറ കഥ പറയാൻ വീട്ടിലെത്തിയ തന്നെ ഉണ്ണി മുകുന്ദൻ കയറിപ്പിടിക്കാൻ ശ്രമിച്ച​ു​െവന്നതടക്കമുള്ള ആരോപണങ്ങളാണ്​ യുവതി ഉന്നയിച്ചിരുന്നത്​.