എടത്തല: പുക്കാട്ടുപടി വള്ളത്തോൾ സ്മാരക വായനശാലയുടെ വജ്ര ജൂബിലി ആഘോഷത്തിന് നവംബർ 18ന് തുടക്കം. ഒരുവർഷം നീളുന്ന ആഘോഷത്തിൽ 60 പരിപാടികൾ സംഘടിപ്പിക്കും. രണ്ടായിരത്തോളം പേർ വായനശാലയിൽ അംഗങ്ങളാണ്. 10 വർഷം പിന്നിടുന്ന 'പ്രദേശം' വാർത്ത മാസികയും ആനുകാലിക വിഷയങ്ങളുടെ സംവാദ വേദിയാകുന്ന 'സ്പീക്കേഴ്സ് ഫോറവും' പ്രവർത്തിക്കുന്നുണ്ട്. ബാലവേദി, യുവത, വനിതവേദി, വള്ളത്തോൾ കലാകേന്ദ്രം, വികസന സമിതി എന്നിവ വായനശാലയുടെ ഭാഗമായി പ്രവർത്തിക്കുന്നു. ശനിയാഴ്ച വൈകീട്ട് ആറിന് ആഘോഷത്തിൽ കവി ഏഴാച്ചേരി രാമചന്ദ്രൻ, വി.പി. സജീന്ദ്രൻ എം.എൽ.എ, സാജു പോൾ എന്നിവർ സംസാരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.