ആലുവ: പതിവു തെറ്റിക്കാതെ ഇത്തവണയും ചാലക്കൽ ദാറുസ്സലാം എൽ.പി സ്കൂൾ ആലുവ ഉപജില്ല എൽ.പി വിഭാഗം അറബിക് കലോത്സവത്തിൽ ഓവറോൾ ചാമ്പ്യൻഷിപ് നേടി. രണ്ടായിരത്തിൽ അറബികലോത്സവം ആരംഭിച്ചതുമുതൽ പരാജയമറിയാത്ത ജൈത്രയാത്രയാണ് ദാറുസ്സലാമിേൻറതെന്ന് വിജയികൾക്ക് നൽകിയ സ്വീകരണത്തിൽ പ്രധാന അധ്യാപകൻ കെ.എ. ഫാഹിം പറഞ്ഞു. പരിപാടികൾക്ക് നേതൃത്വം നൽകിയ നൂർജീൻ ടീച്ചറെ ആദരിച്ചു. വിദ്യാർഥികളുടെ റാലിക്ക് അധ്യാപകരായ റഫീദ്, നിസാർ, ഷെഫീഖ്, ഫസൽ റഹ്മാൻ, സമദ്, മുർഷിദ്, നാസർ, അമീനുല്ല എന്നിവർ നേതൃത്വം നൽകി. കഥാകഥനത്തിൽ ഫിദ ഫഹ്‌മി, (ഫസ്‌റ്റ് എ. ഗ്രേഡ്), ഇസ്‍ലാം ക്വിസിൽ ഫാത്തിമ നൗഷിൻ (ഫസ്‌റ്റ് എ. ഗ്രേഡ്), പദ നിർമാണത്തിൽ ഫയാസ് (ഫസ്‌റ്റ് എ.ഗ്രേഡ്), കൈയെഴുത്തിൽ ഷാനിയ (ഫസ്‌റ്റ് എ. ഗ്രേഡ്), അറബിഗാനം, ആക്ഷൻ സോങ് എന്നിവയിൽ അഫ്നിത (സെക്കൻഡ് എ ഗ്രേഡ്), ഖുർആൻ പാരായണത്തിൽ കെ.എം. ബിലാൽ (സെക്കൻഡ് എ ഗ്രേഡ്), അറബി പദ്യത്തിൽ അഫ്നിത (തേഡ് എ ഗ്രേഡ്) എന്നിവരാണ് സ്‌കൂളിന് വേണ്ടി സമ്മാനം നേടിയത്. സംഘഗാനത്തിൽ സെക്കൻഡ് എ ഗ്രേഡും സ്‌കൂളിന് ലഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.