ആലുവ: തുരുത്ത് റെയിൽവേ നടപ്പാലത്തിെൻറ തകർന്ന കോൺക്രീറ്റ് സ്ലാബുകൾ നീക്കി പുതിയത് സ്ഥാപിച്ചു. റെയിൽവേ അധികൃതരാണ് സ്ലാബുകൾ മാറ്റിയത്. പൊട്ടിയ 14 സ്ലാബാണ് നീക്കിയത്. സ്ലാബുകൾ മാറ്റിയതോടെ കാൽനടക്കാരുടെ ആശങ്കക്കും ഭയത്തിനും ആശ്വാസമായി. എങ്കിലും പാലത്തിെൻറ ഇരുവശങ്ങളിലും പലയിടത്തും അടർന്ന ഇരുമ്പ് കൈവരികളും സ്ലാബുകളെ താങ്ങുന്ന ഇരുമ്പ് പട്ടകളുടെ ശോച്യാസ്ഥയും പരിഹരിക്കപ്പെടേണ്ടതുണ്ട്. തുരുമ്പെടുത്ത കൈവരികൾ തുരുമ്പ് നീക്കി മെറ്റൽ പ്രൈമർ അടിക്കുകയും വേണം. നൂറുകണക്കിനാളുകൾ ദിനേന സഞ്ചരിക്കുന്ന നടപ്പാലത്തിെൻറ ശോച്യാവസ്ഥ പരിഹരിക്കണമെന്ന് തുരുത്ത് സമന്വയ ഗ്രാമവേദി നേരേത്ത ആവശ്യപ്പെട്ടിരുന്നു. റെയിൽവേ നടപ്പാലത്തിെൻറ പുനരുദ്ധാരണത്തിന് ദേശീയ മനുഷ്യാവകാശ കമീഷനെ സമീപിക്കുമെന്ന് സമന്വയ ഗ്രാമവേദി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.