കൊച്ചി: കൊച്ചി കോർപറേഷെൻറ 60ാം വാർഷികാഘോഷം 22ന് ഉപരാഷ്ട്രപതി വെങ്കയ്യ നായിഡു ഉദ്ഘാടനം ചെയ്യും. രാവിലെ ഒമ്പതിന് രാജീവ് ഗാന്ധി ഇൻഡോർ സ്റ്റേഡിയത്തിലാണ് പരിപാടി. ഗവർണർ പി. സദാശിവം, സംസ്ഥാന മന്ത്രിമാർ, മേയർ സൗമിനി ജയിൻ, കോർപറേഷൻ സ്റ്റാൻഡിങ് കമ്മിറ്റി ചെയർമാൻമാർ തുടങ്ങിയവർ പെങ്കടുക്കും. മേയറുടെ നേതൃത്വത്തിൽ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ വി.കെ. മിനിമോൾ, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഗ്രേസി ജോസഫ്, നഗരാസൂത്രണ സ്റ്റാൻഡിങ് കമ്മിറ്റി ചെയർപേഴ്സൺ ഷൈനി മാത്യു എന്നിവർ ബുധനാഴ്ച ഡൽഹിയിലെത്തി ഉപരാഷ്ട്രപതിയെ ക്ഷണിച്ചു. മുഖ്യമന്ത്രി പിണറായി വിജയൻ, തദ്ദേശ സ്വയംഭരണ മന്ത്രി കെ.ടി. ജലീൽ എന്നിവർ മന്ത്രിസഭാ യോഗം നടക്കുന്ന ദിവസമായതിനാൽ എത്താൻ അസൗകര്യം അറിയിച്ചിട്ടുണ്ട്. സെമിനാറുകൾ, കലാപരിപാടികൾ മൂന്നു ദിവസം നീളുന്ന ആഘോഷ പരിപാടികളാണ് ആസൂത്രണം ചെയ്യുന്നത്. പരിപാടികൾക്ക് ഒൗപചാരികമായ അനുമതിക്കായി അടിയന്തര കൗൺസിൽ യോഗം വെള്ളിയാഴ്ച ചേരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.