വൈപ്പിന്‍: ഗുജറാത്ത്, ഹിമാചല്‍ പ്രദേശ് തെരഞ്ഞെടുപ്പ് വിജയത്തില്‍ ആഹ്ലാദം പ്രകടിപ്പിച്ച് ബി.ജെ.പി പ്രവര്‍ത്തകര്‍ സംസ്ഥാനപാതയിൽ നടത്തിയ ആഹ്ലാദപ്രകടനത്തിനിടെ കാറിെൻറ ചില്ല് തകര്‍ത്തു. ചില്ല് തകര്‍ന്ന് വാഹനം ഓടിച്ചിരുന്ന പള്ളത്താംകുളങ്ങര അഞ്ചലശ്ശേരി അഭിജിത്തിെൻറ കൈക്ക് മുറിവേറ്റു. തിങ്കളാഴ്ച വൈകീട്ട് ആറരയോടെ കുഴുപ്പിള്ളിയില്‍ അയ്യമ്പിള്ളി മഹാദേവക്ഷേത്രത്തിനടുത്താണ് സംഭവം. അഭിജിത്തും ഭാര്യയും കുഞ്ഞും സഞ്ചരിച്ചിരുന്ന കാർ ജാഥക്കാരുടെ ദേഹത്ത് ഉരസി. പ്രകോപിതനായ പ്രവര്‍ത്തകന്‍ കാറിെൻറ ഡ്രൈവറുടെ വശത്തെ ഗ്ലാസില്‍ ഇടിക്കുകയായിരുന്നു. ജാഥക്ക് മുന്നില്‍ സഞ്ചരിച്ചിരുന്ന മുനമ്പം എസ്.ഐ ഇ.പി. ഷിബുവും സംഘവും സ്ഥലത്തെത്തി സ്ഥിതിഗതി ശാന്തമാക്കി. അഭിജിത്ത് കുഴുപ്പിള്ളിയിലെ സ്വകാര്യ ആശുപത്രിയില്‍ ചികിത്സ തേടി. പരാതി ഇല്ലാത്തതിനാല്‍ കേസ് എടുത്തിട്ടില്ലെന്ന് എസ്.ഐ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.