മൂവാറ്റുപുഴ: ജില്ല കലോത്സവത്തിൽ വിധികർത്താക്കളും പ്രോഗ്രാം കമ്മിറ്റിയും ഉപയോഗിക്കുന്നത് പച്ചക്കറിവിത്ത് നിറച്ച പേപ്പർ പേനകൾ. പെരുമ്പാവൂർ തണ്ടേക്കാട് ജമാഅത്ത് ഹയർ സെക്കൻഡറി സ്കൂളിലെ അറബി അധ്യാപകനായ പബ്ലിസിറ്റി കമ്മിറ്റി- കോ-ഓഡിനേറ്റർ കെ.എ. നൗഷാദ് ആണ് പേനകൾ സംഘാടക സമിതിക്ക് നൽകിയത്. ഉപയോഗിച്ചശേഷം ഉപേക്ഷിക്കുമ്പോൾ അതിൽനിന്ന് പ്രകൃതിക്ക് അനുയോജ്യമായ ഒരു തൈ എങ്കിലും മുളച്ചുവരണം എന്ന ആശയത്തിലാണ് പേനകൾ നിർമിച്ചിരിക്കുന്നത്. പ്രോഗ്രാം കമ്മിറ്റി ചെയർപേഴ്സൻ സുമിഷ നൗഷാദ് പേപ്പർ പേനകൾ ഏറ്റുവാങ്ങി. പ്രോഗ്രാം കമ്മിറ്റി കൺവീനർ ജെയ്സൺ ജോസഫ്, റിസപ്ഷൻ കൺവീനർ ജോസ് മാനുവൽ, പബ്ലിസിറ്റി കൺവീനർ പി.എ. കബീർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.