കൂത്തുപറമ്പ്: കഴിഞ്ഞദിവസം രാവിലെയുണ്ടായ കനത്തമഴയിൽ സ്കൂൾ കോമ്പൗണ്ടിലെ കൂറ്റൻ തണൽമരം കടപുഴകി. മാലൂർ പനമ്പറ്റ ന്യൂ യു.പി സ്കൂൾ ഗ്രൗണ്ടിലെ കൂറ്റൻ തണൽമരമാണ് എട്ടു മണിയോടെ കടപുഴകിയത്. മാലൂർ-പേരാവൂർ റോഡിന് കുറുകെ മരം വീണതിനാൽ ഗതാഗതം സ്തംഭിച്ചു. ബസ് ഉൾപ്പെടെ നൂറുകണക്കിന് വാഹനങ്ങൾ പോകുന്ന റോഡിൽ മരം വീഴുമ്പോൾ വാഹനങ്ങൾ ഇല്ലാതിരുന്നത് വൻദുരന്തം ഒഴിവാക്കി. ആറോളം വൈദ്യുതി തൂണും സ്കൂളിെൻറ എട്ടു മീറ്ററോളം നീളത്തിലുള്ള ചുറ്റുമതിലും തകർന്നു. മരം വീണതിനെ തുടർന്ന് നാലുമണിക്കൂറോളം മാലൂർ-പേരാവൂർ റൂട്ടിൽ ഗതാഗതം തടസ്സപ്പെട്ടു. മട്ടന്നൂർ, പേരാവൂർ എന്നിവിടങ്ങളിൽനിന്നെത്തിയ ഫയർഫോഴ്സും പൊലീസും നാട്ടുകാരും ചേർന്നു മരം മുറിച്ചുമാറ്റിയാണ് ഉച്ച 12ഓടെ ഗതാഗതം പുനഃസ്ഥാപിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.