പാട്യം-ചെറുവാഞ്ചേരി--കണ്ണവം റോഡ് നവീകരണ പ്രവൃത്തി ആരംഭിച്ചു കൂത്തുപറമ്പ്: ദേശീയപാത നിലവാരത്തിൽ നിർമിക്കുന്ന പാട്യം- - -ചെറുവാഞ്ചേരി- -കണ്ണവം റോഡിെൻറ നവീകരണ പ്രവൃത്തി ആരംഭിച്ചു. കൊട്ടിയോടിയിൽ ആരോഗ്യ മന്ത്രി കെ.കെ. ശൈലജ പ്രവൃത്തി ഉദ്ഘാടനം നിർവഹിച്ചു. കേന്ദ്ര റോഡ് ഫണ്ടിൽ നിന്നുള്ള 15 കോടി ചെലവഴിച്ചാണ് റോഡ് പുനർനിർമിക്കുന്നത്. 15 കിലോമീറ്ററോളം ദൂരമുള്ള റോഡ് അഞ്ചര മീറ്റർ വീതിയിലാണ് മെക്കാഡം ടാറിങ് ചെയ്യുക. കൊട്ടിയോടി ജങ്ഷൻ മുതൽ കണ്ണവം ജങ്ഷൻ വരെയാണ് ദേശീയപാത നിലവാരത്തിൽ നവീകരിക്കുന്നത്. നിർമാണ പ്രവൃത്തികൾ സമയബന്ധിതമായി പൂർത്തീകരിക്കുമെന്ന് മന്ത്രി പറഞ്ഞു. കൂത്തുപറമ്പ് ബ്ലോക്ക് പഞ്ചായത്ത് പ്രസിഡൻറ് എ. അശോകൻ അധ്യക്ഷത വഹിച്ചു. പാട്യം പഞ്ചായത്ത് പ്രസിഡൻറ് വി. ബാലൻ, എ.പി. സുജാത, ടി. സാവിത്രി, സി. ചന്ദ്രൻ, പി. സീന, ചീഫ് എക്സിക്യൂട്ടിവ് എൻജിനീയർ എ.പി.എം. മുഹമ്മദ് അഷറഫ്, സുനിൽ കൊയിലേരിയൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.