കോഴിക്കോട്: 2018-19 വർഷത്തെ സംസ്ഥാനത്തെ മികച്ച ഐ.എം.എ ബ്രാഞ്ചിനുള്ള ഡോ. എസ്.എസ്. റാവു മെമ്മോറിയൽ ഷീൽഡ് കോഴിക്കോട് കരസ്ഥമാക്കി. പൊതുജനാരോഗ്യം, സാമൂഹിക സേവനം, സംഘടന മികവ്, തുടർ വിദ്യാഭ്യാസ പരിപാടികൾ എന്നിവയിൽ മികച്ച സംഭാവന നൽകിയതാണ് അവാർഡ്. തൊടുപുഴയിൽ നടന്ന 62ാമത് സംസ്ഥാന സമ്മേളനത്തിൽ ഐ.എം.എ സംസ്ഥാന പ്രസിഡൻറ് ഡോ. എം.ഇ. സുഗതനിൽനിന്ന് കോഴിക്കോട് ബ്രാഞ്ച് പ്രസിഡൻറ് ഡോ. വിജയറാം രാജേന്ദ്രൻ, സെക്രട്ടറി ഡോ. ബി. വേണുഗോപാലൻ അവാർഡ് ഏറ്റുവാങ്ങി. ഏറ്റവും മികച്ച ബ്രാഞ്ച് സെക്രട്ടറിക്കുള്ള ഡോ. ശങ്കരപിള്ള മെമ്മോറിയൽ അവാർഡിന് ഡോ. ബി. വേണുഗോപാലൻ അർഹനായി. മികച്ച വനിത വിഭാഗം ഐ.എം.എക്കും ഐ.എം.എ കോളജ് ഓഫ് ജനറൽ പ്രാക്ടീഷനേഴ്സ് മികച്ച ശാഖക്കുള്ള അവാർഡിനും കോഴിക്കോട് അർഹമായി. ഡോ. മിനി മികച്ച വനിത ചെയർപേഴ്സനായും ഡോ. സന്ധ്യകുറുപ്പ് മികച്ച വനിത സെക്രട്ടറിയായും തെരഞ്ഞെടുക്കപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.