കുഞ്ഞനുജൻെറ വേര്പാടിൻെറ വേദനയിലും ലക്ഷ്യം നേടി ഭാഗ്യ ഓര്മകള് മനസ്സിനെ വേട്ടയാടുമ്പോഴും ലക്ഷ്യത്തില്നിന ്നു പിന്മാറാന് ഭാഗ്യ തയാറായിരുന്നില്ല. ഉറച്ച മനസ്സുമായി കളത്തിലിറങ്ങി ചീരാല് ഗവ. മോഡല് ഹയർ സെക്കന്ഡറി സ്കൂളിലെ കെ.ആര്. ഭാഗ്യ നേടിയത് സ്വർണവും വെള്ളിയും. കുഞ്ഞനുജൻെറ വേര്പാടിൻെറ വേദന ഉള്ളിലടക്കിയാണ് ഭാഗ്യ കായിക മേളയില് പങ്കെടുക്കാനെത്തിയത്. തുടർച്ചയായ നാലാം തവണയും ഷോട്ട്പുട്ടിൽ ഒന്നാംസ്ഥാനം നേടി. ജാവലിന് ത്രോയില് രണ്ടാം സ്ഥാനമുണ്ട്. ചീരാല് പുളിഞ്ചാല് കല്ലിങ്കര രജീഷ് കുമാറിൻെറയും ധന്യയുടെയും മകളാണ് ഭാഗ്യ. ഉപജില്ല കായിക മേളയുടെ ഒരാഴ്ച മുമ്പാണ് ഭാഗ്യയുടെ അനുജന് അക്ഷയ് (11) മരിക്കുന്നത്. ബന്ധുവീട്ടിലേക്ക് പോകുന്നതിനിടെ വാഹനമിറങ്ങി ഓടുമ്പോള് വീണാണ് അപകടം. photo
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.