താമരശ്ശേരി: കൂടത്തായി കൊലപാതക പരമ്പരകേസിലെ പ്രതികളെ കസ്റ്റഡി കാലാവധി കഴിഞ്ഞ് ബുധനാഴ്ച കോടതിയില് ഹാജരാക്കുന ്നത് റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകരെ പൊലീസ് കോടതി വളപ്പില് നിന്ന്് പുറത്താക്കി. പ്രതികളെ കൊണ്ടുവരുന്നതിന് മണിക്കൂറുകള്ക്കു മുമ്പുതന്നെ ഇവിടെ പൊലീസ് നിയന്ത്രണം ഏര്പ്പെടുത്തിയിരുന്നു. ഇതിനും മുമ്പേ കോടതിക്കുള്ളില് ഉണ്ടായിരുന്ന ചില മാധ്യമപ്രവര്ത്തകരെ പോലും തിരഞ്ഞുപിടിച്ച് പുറത്താക്കി. കോടതിക്കുള്ളില് കാമറയും റിപ്പോര്ട്ടിങ്ങും അനുവദിക്കാറില്ലെങ്കിലും, കോടതി നടപടികള് അറിയാനായി മാധ്യമപ്രവര്ത്തകര് കോടതിക്കുള്ളില് കയറുന്നത് സാധാരണയാണ്. എന്നാല്, ഉന്നത ഉദ്യോഗസ്ഥരുടെ പ്രത്യേക നിര്ദേശമുണ്ടെന്നു പറഞ്ഞാണ് പൊലീസ് കടുത്ത മാധ്യമനിയന്ത്രണം ഏര്പ്പെടുത്തിയത്. ഇതിനെതിരെ മാധ്യമ പ്രവര്ത്തകര് പൊലീസ് ഉദ്യോഗസ്ഥരെ പ്രതിഷേധം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.