കാരാട്: പെയിന്റിങ് ജോലിക്കിടെ വീടിനു മുകളിൽ നിന്നും വീണ് യുവാവ് മരിച്ചു. വാഴയൂർ മേലെ പുതുക്കോട് സബ്ന മൻസിലിൽ കോരായ് വീട് പറമ്പിൽ മൊയ്തീൻ കോയ - ഫാത്തിമ ദമ്പതികളുടെ മകൻ സാഹിറാണ് (44) പയ്യന്നൂരിൽ വെച്ച് അപകടത്തിൽപെട്ടത്.
ജോലി പൂർത്തിയാക്കി ശനിയാഴ്ച നാട്ടിലേക്ക് മടങ്ങാനിരിക്കെയാണ് അപകടം നടന്നത്. വീടിന്റെ മുകളിലെ നിലയിലെ പെയിന്റിങ് ജോലിക്കായി പർഗോള ശുചീകരിക്കുന്നതിനിടയിൽ കാൽ തെന്നി താഴെ വീഴുകയായിരുന്നു. കൂടെയുണ്ടായിരുന്നവർ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം പരിയാരം മെഡിക്കൽ കോളജ് മോർച്ചറിയിലേക്ക് മാറ്റി.
ഞായറാഴ്ച രാവിലെ പോസ്റ്റ്മോർട്ടം നടപടികൾ പൂർത്തിയാക്കി വൈകീട്ടോടെ പേങ്ങാട് മഹല്ല് പള്ളി ഖബർസ്ഥാനിൽ ഖബറടക്കും. ഭാര്യ: ഫസീല. മക്കൾ: ലിയ ഫാത്തിമ, ലിബ ഫാത്തിമ, ലിസ ഫാത്തിമ. സഹോദരങ്ങൾ: സാജിദ് (ജിദ്ദ), സബ്ന, സജ്ന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.