അ​ങ്ങാ​ടി​പ്പാ​ല​ത്തി​ൽ കാ​റി​ന് മു​ക​ളി​ൽ മ​രം വീ​ണു

താ​നൂ​ർ: വാ​ഴ​ക്ക​ത്തെ​രു കൂ​ന​ൻ പാ​ല​ത്തി​ൽ കാ​റി​ന് മു​ക​ളി​ലേ​ക്ക് മ​രം ക​ട​പു​ഴ​കി വീ​ണു. കാ​റി​ലു​ണ്ടാ​യി​രു​ന്ന​വ​ർ ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. ബു​ധ​നാ​ഴ്ച വൈ​കി​ട്ട് 4.30ഓ​ടെ​യാ​ണ് പാ​ല​ത്തി​ന് വ​ട​ക്ക് ക​നോ​ലി ക​നാ​ൽ തീ​ര​ത്തെ പ​ഴ​ക്ക​മേ​റി​യ വാ​ക​മ​രം പൊ​ടു​ന്ന​നെ ക​ട​പു​ഴ​കി​യ​ത്. പാ​ലം ഇ​റ​ങ്ങു​ക​യാ​യി​രു​ന്ന കാ​റി​ന്റെ പി​ൻ​ഭാ​ഗ​ത്താ​യി മ​രം വീ​ണ​താ​ണ് ര​ക്ഷ​യാ​യ​ത്.

കോ​ഴി​ച്ചെ​ന​യി​ൽ നി​ന്ന് പെ​രു​ന്നാ​ൾ ആ​ഘോ​ഷ​ത്തി​ന് തൂ​വ​ൽ തീ​ര​ത്തേ​ക്ക് വ​രിക​യാ​യി​രു​ന്ന സ്ത്രീ​ക​ളും കു​ട്ടി​ക​ളു​മ​ട​ക്ക​മു​ള്ള​വ​രാ​ണ് കാ​റി​ലു​ണ്ടാ​യി​രു​ന്ന​ത്. വാ​ഹ​നം ഭാ​ഗി​ക​മാ​യി ത​ക​ർ​ന്നെ​ങ്കി​ലും ഉ​ള്ളി​ലു​ണ്ടാ​യി​രു​ന്ന കു​ട്ടി​ക​ൾ ഉ​ൾ​പ്പെ​ടെ ആ​ർ​ക്കും പ​രി​ക്കി​ല്ല. മ​ര​ത്തി​ന്റെ വ​ലി​യ കൊ​മ്പു​ക​ളും ചി​ല്ല​ക​ളും വീ​തി​കു​റ​ഞ്ഞ പാ​ല​ത്തി​ന് മു​ക​ളി​ൽ നി​റ​ഞ്ഞു. വ​ൻ ശ​ബ്ദം കേ​ട്ട് ഓ​ടി​യെ​ത്തി​യ പ​രി​സ​ര​വാ​സി​ക​ളാ​യ യു​വാ​ക്ക​ൾ കൊ​മ്പും ചി​ല്ല​ക​ളും വെ​ട്ടി​മാ​റ്റി ര​ക്ഷാ​പ്ര​വ​ർ​ത്ത​ന​ത്തി​ന് മു​ന്നി​ട്ടി​റ​ങ്ങി. പൊ​ലീ​സ്, അ​ഗ്നി​ര​ക്ഷ സേ​ന, ട്രോ​മാ കെ​യ​ർ വി​ഭാ​ഗ​ങ്ങ​ളും സ്ഥ​ല​ത്തെ​ത്തി ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കാ​ളി​ക​ളാ​യി. വൈ​കു​ന്നേ​രം ആ​റു വ​രെ അ​ങ്ങാ​ടി​യി​ലേ​ക്കു​ള്ള വാ​ഹ​ന ഗ​താ​ഗ​ത​വും മു​ട​ങ്ങി. പൊ​ലി​സ് സ്റ്റേ​ഷ​ന് മു​ന്നി​ൽ നി​ന്ന് ബ്ലോ​ക്ക് ഓ​ഫി​സ് വ​ഴി തീ​ര​ത്തേ​ക്ക് വാ​ഹ​ന​ങ്ങ​ൾ ക​ട​ത്തി വി​ട്ടു. രാ​ത്രി​യോ​ടെ അ​പ​ക​ട​ത്തി​ൽ​പ്പെ​ട്ട വാ​ഹ​നം നീ​ക്കം ചെ​യ്തു.