റോഡ് നന്നാക്കിയില്ലെങ്കിൽ വോട്ടില്ലെന്ന്

പാലേരി: ചങ്ങരോത്ത് പഞ്ചായത്ത് ഒമ്പതാം വാർഡിലെ മദ്​റസ -ചെറിയ കപ്പള്ളി റോഡി​െൻറ ജീർണാവസ്ഥക്ക് അടിയന്തര പരിഹാരം കണ്ടില്ലെങ്കിൽ വോട്ട്​ ബഹിഷ്​കരിക്കുമെന്ന് നാട്ടുകാർ.

50 വർഷത്തിലേറെ പഴക്കംചെന്ന ഈ റോഡിലൂടെ കാൽനടപോലും ദുസ്സഹമാണ്. പന്തിരിക്കരയിൽനിന്ന്​ പാലേരിയിലെത്താൻ ഏറ്റവും ദൂരം കുറഞ്ഞ റോഡു കൂടിയാണിത്.

എത്രയും പെട്ടെന്നു റോഡ് സോളിങ്ങും ടാറിങ്ങും നടത്തി ഗതാഗതയോഗ്യമാക്കാൻ ബന്ധപ്പെട്ടവർ തയാറാകണമെന്നാണ് നാട്ടുകാർ ആവശ്യപ്പെടുന്നത്.