കാഞ്ഞങ്ങാട്: പുല്ലൂരിലെ വി. കോമൻ മാസ്റ്റർ സ്മാരക സംസ്കൃതി ചെറുകഥ പുരസ്കാരത്തിന് സൃഷ്ടികൾ ക്ഷണിച്ചതായി ഭാരവാഹികൾ വാർത്തസമ്മേളനത്തിൽ അറിയിച്ചു. പ്രസിദ്ധീകരിക്കപ്പെട്ടതോ അപ്രകാശിതമോ ആയ മലയാളത്തിലെഴുതിയ മൗലിക രചനകൾ പുരസ്കാരത്തിനായി അയക്കാം. പ്രകാശിതമായ കഥയാണെങ്കിൽ 2019 ജനുവരിക്ക് ശേഷം ആനുകാലിക പ്രസിദ്ധീകരണങ്ങളിൽ പ്രസിദ്ധീകരിക്കപ്പെട്ടതോ ഒന്നാം പതിപ്പായി പ്രസിദ്ധീകരിച്ചതോ ആയ കഥയായിരിക്കണം. 10000 രൂപയും പ്രശസ്തി ഫലകവുമാണ് അവാർഡ്. 2021 ഏപ്രിലിൽ സംഘടിപ്പിക്കുന്ന ചടങ്ങിൽ അവാർഡ് നൽകും. അവാർഡിന് പരിഗണിക്കപ്പെടാൻ ആഗ്രഹിക്കുന്നവർ ചെറുകഥയുടെ നാലു കോപ്പികൾ പ്രത്യേകം തയാറാക്കിയ ബയോഡാറ്റയും പാസ്പോർട്ട് സൈസ് ഫോട്ടോയും സഹിതം 2021 മാർച്ച് 10നുമുമ്പ് ലഭ്യമാക്കണം. രചനകൾ അയക്കേണ്ട വിലാസം: സെക്രട്ടറി, സംസ്കൃതി പുല്ലൂർ, ഹരിപുരം പി.ഒ, ആനന്ദാശ്രമം വഴി, കാസർകോട് ജില്ല, 671 531. ഫോൺ: 9495617875, 9961107262, 9447469699. സംസ്കൃതി പ്രസിഡൻറ് പ്രമോദ് കണ്ണാങ്കോട്ട്, സെക്രട്ടറി പി.വി. സന്തോഷ് കുമാർ, ഭാരവാഹികളായ കെ. ശശിധരൻ, അനിൽ പുളിക്കാൽ, അവാർഡ് കമ്മിറ്റി കൺവീനർ എ.ടി. ശശി എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.