ഉരുവച്ചാൽ: തലശ്ശേരി–മട്ടന്നൂർ റോഡിൽ പഴശ്ശിയിലെ പാതയോരത്ത് പരിമളം പരത്തി വത്സെൻറ പൂന്തോട്ടം. പഴശ്ശിയിൽ റോഡിലൂടെ കടന്നുപോകുന്ന യാത്രക്കാരെ ഏറെ ആകർഷിക്കുകയാണ് ഈ കൊച്ചു പൂന്തോട്ടം. പൂക്കളെയും ചെടികളെയും സ്നേഹിക്കുന്ന ഈ എഴുപതുകാരൻ പാതയോരം സൗന്ദര്യവത്കരിക്കുകയെന്ന ലക്ഷ്യത്തോടുകൂടിയാണ് മഞ്ഞ മല്ലികയും കോസ്മസും വാടാർമല്ലിയും നട്ടുപിടിപ്പിച്ചത്. കാടുപിടിച്ച് കിടന്നിരുന്ന പാതയോരം വെട്ടിത്തെളിച്ചാണ് മഴക്കാലത്ത് പൂച്ചെടികൾ നട്ടുവളർത്തിയത്.
കഴിഞ്ഞ വർഷം പഴശ്ശി - ഇടവേലിക്കൽ പാതയോരത്ത് ഇദ്ദേഹം പൂന്തോട്ടം ഒരുക്കിയിരുന്നു. നട്ടുവളർത്തിയ പൂന്തോട്ടത്തിൽ പരിമളം പരത്തി വിരിഞ്ഞുകിടക്കുന്ന പൂക്കൾ കാണുമ്പോൾ ഏറെ സന്തോഷം ലഭിക്കുന്നുവെന്ന് പഴശ്ശി കക്കോത്ത് ശ്രീവത്സത്തിൽ താമസക്കാരനായ വത്സൻ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.