കണ്ണൂർ: കേന്ദ്ര സർക്കാറിൻെറ കർഷക ബില്ലിനെതിരെ നടക്കുന്ന സമര പോരാട്ടത്തിന് ഐക്യദാർഢ്യം അർപ്പിച്ച് പുതുവർഷ പുലരി പ്രതിഷേധ രാത്രിയാക്കി യൂത്ത് കോൺഗ്രസ്. ജില്ല കമ്മിറ്റിയുടെ നേതൃത്വത്തിൽ കണ്ണൂർ കാൽടെക്സ് ജങ്ഷനിൽ നടന്ന പ്രതിഷേധ പരിപാടി കോർപറേഷൻ മേയർ ടി.ഒ. മോഹനൻ ഉദ്ഘാടനം ചെയ്തു. യൂത്ത് കോൺഗ്രസ് ജില്ല പ്രസിഡൻറ് സുദീപ് ജെയിംസ് അധ്യക്ഷത വഹിച്ചു. കെ.പി.സി.സി ജനറൽ സെക്രട്ടറി മാർട്ടിൻ ജോർജ് മുഖ്യ പ്രഭാഷണം നടത്തി. യൂത്ത് കോൺഗ്രസ് സംസ്ഥാന ഭാരവാഹികളായ റിജിൽ മാക്കുറ്റി, വിനേഷ് ചുള്ളിയാൻ, കെ. കമൽജിത്ത്, സന്ദീപ് പാണപ്പുഴ, ഡി.സി.സി ഭാരവാഹികളായ രജിത്ത് നാറാത്ത്, പി. മാധവൻ മാസ്റ്റർ, യൂത്ത് കോൺഗ്രസ് ജില്ല ഭാരവാഹികളായ വി. രാഹുൽ, പ്രിനിൽ മതുക്കോത്ത്, ശ്രീജേഷ് കോയിലെരിയൻ, ഷാജു കണ്ടബെത്ത്, പി. ഇമ്രാൻ, സിബിൻ ജോസഫ്, സജേഷ് അഞ്ചരക്കണ്ടി, കെ.എസ്.യു ജില്ല പ്രസിഡൻറ് പി. മുഹമ്മദ്‌ ഷമ്മാസ്, ബ്ലോക്ക്‌ ഭാരവാഹികളായ നികേത് നാറാത്ത്, സനോജ് പാലേരി, സുധീഷ് കുന്നത്ത്, ഫർസിൻ മജീദ്, കെ.പി. ലിജേഷ്, ഫർഹാൻ മുണ്ടേരി, അൻസിൽ വാഴപ്പള്ളി തുടങ്ങിയവർ നേതൃത്വം നൽകി. നാടൻ കലാപരിപാടികൾ അവതരിപ്പിച്ചും ജീവിതഗന്ധിയായ നാടൻപാട്ടുകൾ പാടിയും പ്രതിഷേധത്തിൻെറ രാത്രിയാക്കി മാറ്റിയാണ് പുലരുംവരെ ഡൽഹിയിലെ കർഷകരുടെ സമരത്തിന് യൂത്ത് കോൺഗ്രസ് ഐക്യദാർഢ്യം അർപ്പിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.