ഉരുവച്ചാൽ: നഗരസഭ സുരക്ഷ സമിതിയുടെ തീരുമാനത്തിന് വിരുദ്ധമായി പൊലീസ് ഹോട്ടലുകളിൽ പരിശോധന നടത്തി പിഴ ചുമത്തിയതായി പരാതി. ഉരുവച്ചാലിലെ രണ്ട് ഹോട്ടലുകളിൽ അഞ്ചു മണിക്കു ശേഷം ഇരുന്ന് ഭക്ഷണം കഴിക്കാൻ സൗകര്യമൊരുക്കിയെന്ന് പറഞ്ഞായിരുന്നു മട്ടന്നൂർ എസ്.ഐ വിജേഷ് ഹോട്ടലുടമകൾക്ക് പിഴയിട്ടത്. നഗരസഭ പരിധിയിൽ വൈകീട്ട് ആറുവരെ ഹോട്ടലിൽ ഇരുന്ന് ഭക്ഷണം കഴിക്കാനും ഏഴുവരെ പാർസൽ നൽകാനുമാണ് പൊലീസ്, ആരോഗ്യവകുപ്പ്, നഗരസഭ അധികൃതർ എന്നിവരടങ്ങുന്ന സുരക്ഷ സമിതി തീരുമാനിച്ചിരുന്നതെന്ന് വ്യാപാരികൾ പറഞ്ഞു. രണ്ട് ഹോട്ടലുകളിൽനിന്നായി മൂന്നുപേർക്ക് പിഴചുമത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.